सारथी महाराष्ट्राचा न्यूज | कुरुंदवाड | प्रतिनिधी
कुरुंदवाड नगरपरिषदेच्या छत्रपती शिवाजी महाराज सभागृहात उपमुख्यमंत्री अजितदादा पवार यांची जयंती उत्साहात साजरी करण्यात आली. यावेळी त्यांच्या प्रतिमेस पुष्पहार अर्पण करून अभिवादन करण्यात आले.
महाराष्ट्र शासनाच्या निर्णयानुसार सन २०२६ पासून अजितदादा पवार यांच्या जयंतीचा समावेश राष्ट्रपुरुष व थोर व्यक्तींच्या अधिकृत जयंती कार्यक्रमांमध्ये करण्यात आला आहे. त्यांच्या विकासाभिमुख कार्याची शासनाने अधिकृत दखल घेतल्याचे यावेळी नमूद करण्यात आले.
कार्यक्रमात अजितदादा पवार यांनी सिंचन, पायाभूत सुविधा, उद्योग, शिक्षण, क्रीडा, ग्रामीण विकास आणि जनकल्याण क्षेत्रात दिलेल्या योगदानाचा गौरव करण्यात आला. त्यांच्या निर्णयक्षम नेतृत्वामुळे राज्याच्या विकासाला नवी दिशा मिळाल्याचा उल्लेखही उपस्थितांनी केला.
यावेळी कुरुंदवाडच्या प्रथम महिला लोकनियुक्त नगराध्यक्षा सौ. मनिषा डांगे यांच्या हस्ते प्रतिमेस पुष्पहार अर्पण करून अभिवादन करण्यात आले.
कार्यक्रमास नगरसेवक तानाजी आलासे, अक्षय आलासे, उदय डांगे, शब्बीर बागवान, अल्ली बागवान, उमेश कर्नाळे, शरद आलासे, विशाल पाटील, सुनंदा आलासे, संगीता कर्नाळे, शाहीर आवळे, आयुब माणगावे, नगर अभियंता राजेंद्र गवळी, प्राची पाटील, प्रज्ञा चव्हाण, ऋतुजा चौगुले, नंदकुमार चौधरी, आनंदा शिंदे यांच्यासह नगरपरिषदेचे पदाधिकारी, कर्मचारी, कुरुंदवाड संघर्ष समितीचे पदाधिकारी तसेच अजितदादा पवार यांचे समर्थक आणि सामाजिक कार्यकर्ते मोठ्या संख्येने उपस्थित होते.
