जळकोट, जि. लातूर : प्रतिनिधी निधी
जळकोट येथील प्रसिद्ध प्राणीमित्र, पत्रकार आणि समाजसेवक डॉ. संजय नागनाथ कलवले यांच्या उल्लेखनीय सामाजिक कार्याची दखल घेत त्यांना जिगरण फाउंडेशनतर्फे ‘भारत रत्न नॅशनल सर्व्हिस एक्सलन्स अवॉर्ड २०२६’ प्रदान करून गौरविण्यात आले.
प्राणीसेवा, पत्रकारिता, समाजकार्य आणि मानव विकासाच्या क्षेत्रात डॉ. कलवले यांनी दिलेल्या उल्लेखनीय योगदानाबद्दल त्यांचा हा सन्मान करण्यात आला. प्राण्यांची निःस्वार्थ सेवा, पत्रकारितेच्या माध्यमातून समाजातील विविध प्रश्नांवर केलेले जनप्रबोधन तसेच मानवी हक्क आणि सामाजिक कल्याणासाठी केलेले कार्य कौतुकास्पद असल्याचे यावेळी नमूद करण्यात आले.
मूळचे जळकोट येथील रहिवासी असलेल्या डॉ. संजय कलवले यांनी सामाजिक बांधिलकी जपत विविध क्षेत्रांत सातत्याने कार्य केले आहे. त्यांच्या कार्याची आणि समाजाप्रती असलेल्या निष्ठेची दखल घेत जिगरण फाउंडेशनचे संचालक आशुतोष सिंग आणि संस्थापक अध्यक्ष इत्यादी आकरा सार्टू यांच्या वतीने त्यांना सन्मानपत्र प्रदान करण्यात आले.
डॉ. संजय कलवले हे महाराष्ट्रातील परिचित प्राणीमित्र, पत्रकार व समाजसेवक म्हणून कार्यरत आहेत. त्यांना मिळालेल्या या सन्मानाबद्दल लातूर जिल्ह्यासह महाराष्ट्रातील विविध सामाजिक स्तरांतून त्यांच्यावर अभिनंदनाचा वर्षाव होत आहे.
या पुरस्कारामुळे भविष्यात सामाजिक आणि पत्रकारितेच्या क्षेत्रात आणखी जोमाने कार्य करण्याची प्रेरणा व ऊर्जा मिळाली असल्याची प्रतिक्रिया डॉ. संजय कलवले यांनी व्यक्त केली.
