संविधान उद्देशिकेची 4 जिल्हा परिषद शाळांमध्ये भेट
कापडगाव येथे वृक्षारोपण मोहिमेचा शुभारंभ; कुसूर, डोंबाळवाडी व काळज येथेही उपक्रम
राजमाता पुण्यश्लोक अहिल्यादेवी होळकर यांच्या २३१ व्या पुण्यतिथीनिमित्त राष्ट्रीय मानवअधिकार महिला व बाल संरक्षण परिषदेच्या वतीने सामाजिक बांधिलकी जपत वृक्षारोपण व संविधान जनजागृती अभियान राबविण्यात आले. या अभियानाची सुरुवात कापडगाव येथे करण्यात आली.
या उपक्रमांतर्गत कापडगावसह कुसूर, डोंबाळवाडी आणि काळज येथील जिल्हा परिषद शाळांमध्ये प्रत्येकी 30 झाडे, अशी एकूण १२० झाडे भेट देऊन विद्यार्थ्यांच्या व ग्रामस्थांच्या सहभागातून वृक्ष लागवड करण्यात आली. केवळ वृक्षलागवड न करता लावलेल्या झाडांचे संगोपन करण्याची जबाबदारीही घेण्याचे आवाहन यावेळी करण्यात आले.
याचबरोबर प्रत्येक जिल्हा परिषद शाळेतील विद्यार्थ्यांना भारतीय संविधानाच्या उद्देशिकेच्या प्रती भेट देण्यात आल्या. व त्या शाळेतील मुलांनी स्वतः म्हणून प्रत्येकाने दाखवली हे बघून आम्हाला अभिमान वाटला पर्यावरण संवर्धनासोबतच विद्यार्थ्यांमध्ये संविधान, लोकशाही, समानता, स्वातंत्र्य आणि बंधुता या मूल्यांची जाणीव निर्माण व्हावी, हा या उपक्रमामागील प्रमुख उद्देश असल्याचे आयोजकांनी सांगितले.
अहिल्यादेवी होळकर यांनी आपल्या कार्यातून लोककल्याण, समाजसेवा आणि जनहिताचा आदर्श निर्माण केला. त्यांच्या पुण्यतिथीनिमित्त समाजोपयोगी उपक्रम राबवून त्यांच्या विचारांना कृतीची जोड देण्याचा प्रयत्न या अभियानाच्या माध्यमातून करण्यात आला.
यावेळी राष्ट्रीय मानवअधिकार महिला व बाल संरक्षण परिषद पश्चिम महाराष्ट्र अध्यक्ष प्रेम मोरे, लेखक व सातारा जिल्हा उपाध्यक्ष नितीन सुळ, पुणे जिल्हा उपाध्यक्ष नानासो गोवेकर, साहित्यिक मार्गदर्शक तानाजी जगताप, मार्गदर्शक अरविंद सुळ, कापडगावचे माजी उपसरपंच राम केसकर, युवा नेते व सामाजिक कार्यकर्ते सागर सुळ, युवा उद्योजक वैभवराज नरुटे, शाळा व्यवस्थापन समिती अध्यक्ष दादासो सुळ, गोरख सुळ, युवा उद्योजक यश पिसाळ, पिसाळ साहेब, सतीश गाढवे साहेब यांच्यासह शिक्षक, विद्यार्थी, ग्रामस्थ व सामाजिक कार्यकर्ते उपस्थित होते.
“एक झाड – एक कुटुंब आणि संविधानाची उद्देशिका – प्रत्येकाच्या हातात” या संकल्पनेतून राबविण्यात आलेल्या या उपक्रमाचे उपस्थितांनी कौतुक केले. पर्यावरण संवर्धन आणि संविधानिक मूल्यांची जनजागृती या दोन्ही गोष्टींचा सुंदर संगम या अभियानातून साधण्यात आला.
