पत्रकार कैलासराजे घरत
खारपाडा पेण
15 ऑगस्ट 2026 स्वातंत्र्य दिनाच्या शुभ मुहूर्तावर श्रावण महिन्याच्या पहिल्या शनिवारी “अष्टगंध सांस्कृतिक कला सामाजिक मंडळ रजि.उरण तर्फे उज्जैन, त्र्यंबकेश्वर, महाकालेश्वर, ओंकारेश्वर, शेगाव, घृष्णेश्वर, औरंगाबाद कैलास लेणी. देवदर्शन सहलीचे आयोजन करण्यात आले. त्याचा उद्घाटन सोहळा अध्यक्ष श्री अशोक म्हात्रे साहेब व समाजसेवक श्री अरुण गावंड यांच्या हस्ते गाडीला पुष्पहार घालून सहसचिव श्री रमेश चिंतामण कोळी साहेब यांच्या हस्ते श्रीफळ वाढवून करण्यात आली. पत्रकार कैलासराजे घरत, सचिव श्री दत्तात्रेय अनंत घरत, खजिनदार प्रज्योत पाटील दिग्दर्शक धनेश्वर यशवंत म्हात्रे यांच्या सहकार्यातून माध्यमातून सहलीचे आयोजन केले.
मित्रहो “अष्टगंध सांस्कृतिक कला सामाजिक मंडळ रजि.उरण यांनी आजपर्यंत फक्त कलेच्या बाबतीतच समाजात छाप पाडली नाही तर सामाजिक कार्य, सामाजिक बांधिलकी सुद्धा जपली आहे. मंडळी हे कलाकार इतके कलेचे वेडे आहेत की आपली स्वत:ची वाहने स्वत:च तन मन धन अर्पण करून या मंडळासाठी आपलं योगदान दिलं आहे. गर्व आहे आम्हाला आपल्या कलेचा आणि आपल्या स्वाभिमानाचा कुठलाच अहंकार नाही की गर्व नाही.. नाटकाच्या
तालमीपासून ते थेट प्रयोग असलेल्या दिवसापर्यंत नुसता ध्यासच त्यांना जडलेला असतो. आम्ही जणू वसाच घेतलेला आहे नाट्य रसिकांना आपली कला सादर करून हसवण्याचा आणि रडवण्याचा.. आमच्यावर आशीर्वादच आहे त्या नटेश्वराचा त्या गणरायाचा आणि मायबाप रसिकांचा..
मंडळातर्फे आम्ही या कलाकारांना काहीही मानधन देत नसतो, तरीपण ते सतत झटत असतात, आपली कला जोपासत असतात या मंडळावर प्रेम करतात. तसे आम्ही दरवर्षी वनभोजन तिथे सन्मानचिन्ह देऊन नाट्य कलाकारांचा सन्मान करत असतो.. पण यंदा आम्ही वेगळाच निर्णय घेतला.. 2025 रोजी झालेल्या आमच्या मंडळाच्या मीटिंगमध्ये आमचे अध्यक्ष अशोक काना म्हात्रे. सचिव दत्तात्रेय अनंत घरत. सहसचिव रमेश चिंतामण कोळी, संस्थापक श्री हसुराम पाटील आणि एकंदरित सर्वांच्या अनुमोदनाने ठरलं की 2026 या वर्षात जितके नाट्यप्रयोग होतील त्यामधून खर्च वळगता राहिलेली शिल्लक जमा करून कलाकार, बॅक स्टेज कलाकार,
मंडळावर प्रेम करणारे लोक यांना देवदर्शन करून आणावं असं ठरलं. पण कलाकार जात असताना त्यांच्या फॅमिलीला सुद्धा वाटतं की आपण सुद्धा यांच्यासोबत देवदर्शन करावं.. मग आम्ही सहकुटुंब सहपरिवार ही सहल आयोजित केली.. पण मंडळाकडे जास्त शिल्लक नसल्याकारणाने फक्त कलाकार दिग्दर्शक यांचे बसचे पैसे भरून जाण्याचं ठरलं.. कलाकार यांनी सुद्धा हे मोठ्या मनाने मान्य केले… अजून पुढे आपल्याकडे जास्त शिल्लक वाढल्यानंतर आपण सर्व कुटुंबाला सुद्धा याच्यामध्ये सहभागी करून अनेक ठिकाणी जाऊ शकतो. श्री महाकालेश्वरच्या आशीर्वादाने उज्जैन सहल नक्कीच सफल होणारच सर्वांना आनंदमदायी प्रवासासाठी मन:पुर्वक हार्दिक शुभेच्छा..!
शब्दांकन:- संस्थापक श्री हसुराम त्रिंबक पाटील (काकासाहेब)
