उरण तालुक्यातील रायगड जिल्हा परिषद प्राथमिक शाळा कळंबुसरे मधील विद्यार्थी चिराग बाळकृष्ण ठाकूर याने शिष्यवृत्ती परीक्षा २०२५-२६ मध्ये इयत्ता ४ थी मधून उरण तालुक्यात प्रथम क्रमांक पटकावत शाळेचे आणि गावाचे नाव उज्ज्वल केले आहे.
चिरागने आपल्या मेहनत, जिद्द आणि चिकाटीच्या जोरावर आताच झालेल्या मंथन जनरल नॉलेज परीक्षा २०२६ मध्ये देखील उरण तालुक्यात प्रथम येऊन उल्लेखनीय यश संपादन केले होते.ग्रामीण भागातील जिल्हा परिषद शाळेत शिक्षण घेत असताना त्याने मिळवलेले हे यश विशेष कौतुकास्पद मानले जात आहे.
चिरागच्या यशाबद्दल गटशिक्षण अधिकारी श्री. सागर पवार साहेब यांच्या हस्ते त्याचा सत्कार करण्यात आला.तसेच रायगड जिल्हा परिषद प्राथमिक शाळा कळंबुसरे येथील शिक्षकवृंद,ग्रामस्थ आणि मित्रपरिवाराने त्याचे व त्याचे पालक बाळकृष्ण सुरेश ठाकूर व अर्चना बाळकृष्ण ठाकूर यांचे अभिनंदन केले. त्याच्या यशामागे शिक्षकांचे मार्गदर्शन तसेच पालकांचे प्रोत्साहन महत्त्वाचे ठरले.
उरण तालुक्यात प्रथम क्रमांक मिळवून चिरागने आपल्या शाळेच्या शैक्षणिक गुणवत्तेचीही झलक दाखवून दिली आहे. त्याच्या पुढील शैक्षणिक वाटचालीसाठी सर्व स्तरांतून शुभेच्छा व्यक्त करण्यात येत आहेत.सायरा समीर म्हात्रे शैक्षणिक सामाजिक संस्था कळंबुसरे च्या माध्यमातून देखील चिरागचा यथोचित सत्कार करून त्याला पुढील वाटचालीसाठी शुभेच्छा देण्यात आल्या.
