तेल्हारा प्रतिनिधी
पिवंदळ बु.येथील जिल्हा परिषद प्राथमिक शाळेत ८० वा स्वातंत्र्यदिन उत्साहात साजरा करण्यात आला. सकाळी ठीक ८:०० वाजता शाळेच्या मुख्याध्यापक श्री.श्यामकुमार अंकुरकर सर यांच्या हस्ते ध्वजारोहण पार पडले.
ध्वजारोहणानंतर शाळेतील मुलांनी एका सुरात राष्ट्रगीत, ध्वजगीत आणि राज्यगीत गाऊन राष्ट्रध्वजाला मानवंदना दिली. त्यानंतर मुलांनी गावातून आकर्षक ‘प्रभातफेरी’ काढली. “भारत माता की जय”, “वंदे मातरम्” आणि “अमर रहे, अमर रहे, स्वातंत्र्य सैनिक अमर रहे” या घोषणांनी संपूर्ण गाव दुमदुमून गेले होते.
विविध गुणदर्शन व सांस्कृतिक कार्यक्रम
शाळेच्या प्रांगणात आयोजित सांस्कृतिक कार्यक्रमात विद्यार्थ्यांनी उत्तम कामगिरी केली.
या सोहळ्यास पिवंदळ बु.गटग्रामपंचायतीचे सरपंच, उपसरपंच, सर्व सदस्य, शालेय व्यवस्थापन समितीचे पदाधिकारी, ग्रामस्थ, पालक आणि शिक्षकवृंद मोठ्या संख्येने उपस्थित होते. कार्यक्रमाचे सूत्रसंचालन डाबेराव सर यांनी केले, तर आभार प्रदर्शनाने आणि पसायदानाने कार्यक्रमाची सांगता झाली.
