साई विद्यालय वंधली येथे उत्साहात 80 वा स्वातंत्र्यदिन साजरा

वंधली : साई विद्यालय, वंधली येथे भारताच्या 80 व्या स्वातंत्र्यदिनानिमित्त ध्वजारोहणाचा कार्यक्रम देशभक्तीपूर्ण वातावरणात मोठ्या उत्साहात संपन्न झाला.
कार्यक्रमाचे प्रमुख पाहुणे म्हणून ग्रामीण लोकशिक्षण प्रसारक मंडळ, वंधली चे संस्थापक श्री. वसंतराव विधाते उपस्थित होते. त्यांच्या हस्ते राष्ट्रध्वजारोहण करण्यात आले. यावेळी राष्ट्रगीत, देशभक्तीपर गीतांचे सादरीकरण तसेच विद्यार्थ्यांनी देशप्रेम जागवणारे सांस्कृतिक कार्यक्रम सादर केले.

प्रमुख पाहुणे श्री. वसंतराव विधाते यांनी विद्यार्थ्यांना स्वातंत्र्यदिनाचे महत्त्व सांगत देशप्रेम, शिस्त आणि सामाजिक जबाबदारी यांचे पालन करण्याचे आवाहन केले.
कार्यक्रमास संस्थेचे पदाधिकारी, मुख्याध्यापक, शिक्षक, शिक्षकेत्तर कर्मचारी, विद्यार्थी, पालक व ग्रामस्थ मोठ्या संख्येने उपस्थित होते. शेवटी उपस्थितांचे आभार मानून कार्यक्रमाची सांगता करण्यात आली.