खटाव तालुका प्रतिनिधी
सातारा जिल्ह्यातील निमसोड जिल्हा परिषद आदर्श प्राथमिक शाळेत १५ ऑगस्ट स्वातंत्र्यदिन उत्साहपूर्ण वातावरणात साजरा करण्यात आला. यावेळी शाळेतील विद्यार्थ्यांसह ग्रामस्थांनी मोठ्या संख्येने सहभाग घेतला.
कार्यक्रमास पंचायत समिती सदस्य श्रीमती मोरे मॅडम, युवा नेते व ग्रामपंचायत सदस्य शशिकांत भाऊ मोरे, सरपंच सुनील धोंडीराम मोरे, नंदकुमार महादेव मोरे दादा यांच्यासह गावातील युवक-युवती, ज्येष्ठ नागरिक व ग्रामपंचायत सदस्य उपस्थित होते.
तसेच शाळेचे मुख्याध्यापक चंद्रकांत जयसिंग मोरे गुरुजी, सर्व शिक्षकवर्ग, अंगणवाडी शिक्षिका आणि विद्यार्थी मोठ्या संख्येने उपस्थित होते.
स्वातंत्र्यदिनानिमित्त शाळेच्या परिसरात उत्साहाचे वातावरण निर्माण झाले होते. उपस्थितांनी राष्ट्रध्वजाला मानवंदना देत देशाच्या स्वातंत्र्यासाठी बलिदान देणाऱ्या स्वातंत्र्यसैनिकांचे स्मरण केले.
