लोहारा तालुका प्रतिनिधी । आदित्य अरुण जाधव.
मौजे नागूर, ता – लोहारा, जिल्हा – धाराशिव या ठिकाणी दिनांक १६.०८.२०२६ रोजी, रुद्रराज इंडेन गॅस, शाखा – सास्तुर यांच्या वतीने स्वातंत्र्य दिनाच्या निमित्ताने एकदिवसीय शिबिराचे आयोजन करण्यात आले होते.
नागूर गावामधील गॅसधारक जे रुद्रराज इंडेन गॅस, शाखा सास्तुर अंतर्गत गॅस वापरतात, अशा गॅस धारकांना योग्य मार्गदर्शन, त्यांना मिळणारीं सेवा-सुविधा याबाबतीत माहिती देण्यात आली. त्यांना काही समस्या येत असतील तर त्यावर निराकरण करून समाधान करण्यात आले. शिवाय, ज्या गॅसधारकांनी अजूनही ई-के.वाय.सी केलेली नव्हती, त्यांना या शिबिराच्या माध्यमातून ई-के.वाय.सी. करण्याचे महत्व समजावून सांगून या शिबीराचा लाभ घेण्याचे आवाहन देखील करण्यात आले.
नागूर गावातील – सामान्य सुविधा केंद्र आदिमाया टेलिकॉम आणि मल्टिसर्व्हिसेस, यांच्यावतीने या शिबीराचे आयोजन करण्यात आले होते.
केवळ नागूर नाही, तर लोहारा तालुक्यातील मौजे कास्ती खुर्द, कास्ती बुद्रुक, कानेगाव, भातागळी, आरणी, हिप्परगा या सर्व गावामध्ये स्वातंत्र्य दिनाच्या निमित्ताने दोन दिवसीय या विशेष शिबीराचे आयोजन करण्यात आले होते. यासाठी रुद्रराज इंडेन गॅस, शाखा सास्तुर येथील सर्व कर्मचारी वृंदानी विशेष प्रयत्न केले.
या प्रसंगी श्री. सुभाष पाटील, श्री. अरुण किसन जाधव, शेषेराव मोरे, श्री. यशवंत चंदनशिवे, सूरज सयाजी जाधव, गोविंद लोभे, लखन चंदनशिवे, विशाल जाधव, संतोष जाधव, शंकर भोसले, सुशील चंदनशिवे, कबीर सोनवणे तसेच गावातील इतरही ग्रामस्थ यांची विशेष उपस्थिती होती.
रुद्रराज इंडेन गॅस, शाखा सास्तुर मधील सर्व कर्मचारी ज्यामध्ये ज्ञानोबा बाबू चिवटे (शाखा व्यवस्थापक), इम्रान महेबूब इनामदार (संगणक तज्ञ), श्रीराम मधुकर माने, सतीश मधुकर माने, चांदसाहेब जैन्नोद्दीन आळंदकर, विठ्ठल विनायक नटवे यांनी या शिबीरासाठी विशेष परिश्रम घेऊन उपरोक्त गावातील नागरिकांना सेवा देण्यात आली.
