प्रतिनिधी :दरिकांत कोळेकर.
कुरुंदवाड:-शिरोळ तालुक्यातील कुरुंदवाड येथील जुन्या बार असोसिएशनच्या वकील संघटनेने ज्युनिअर वकिला वर अनेक प्रकारे अन्याय, दुर्लक्ष केल्याने आणि त्यांच्या मनमानी कारभाराला कंटाळून सर्व सदस्यामध्ये तीव्र असंतोष निर्माण झाल्याने 10 विधिज्ञानी जुन्या बार संघटनेचा राजीनामा दिला. 14 ऑगस्ट रोजी राजीनामा दिला आणि 15ऑगस्ट 2026 रोजी नवीन असोसिएशन ऑफ ॲडव्होकेट्स कुरुंदवाड या नावे बार असोसिएशन ची स्थापना केली असल्याची पत्रकार परिषद घेऊन अधिकृतपणे सांगितले. यावेळी ॲड जमदग्नी यांनी सांगितले की जुन्या बार असोसिएशनला केलेल्या कोणत्याही विनंतीला किंवा मागणीला मान -सन्मान न देणें आमच्या मागणीकडे दुर्लक्ष करणे हे नित्याचेच होत होते म्हणून आम्ही हे पाऊल उचललेचे सांगितले.
या नव्याने स्थापन झालेल्या असोसिएशन ऑफ ॲडव्होकेट्स कुरुंदवाड या बार असोसिएशनच्या अध्यक्ष पदी ॲड. अमेय जमदग्नी यांची सर्वानुमते बिन विरोध निवड झाल्याचे जाहीर केले.
तसेच नव्याने स्थापन झालेले बार असोसिएशन ने उपाध्यक्ष पदी ॲड इम्रान घोरी. महिला प्रतिनिधी पदी ॲड. समीक्षा पाटील, सचिवपदी ॲड. महेश गेरडे. तर खजिनदार पदी अमर बुबनाळे यांची निवड झाली आहे.
या बार असोसिएशन चे पदाधिकारी यांनी एका महिन्याभरात बार असोसिएशनची अधिकृत नोंदणी आणि घटनात्मक कायदेशीर प्रक्रिया पूर्ण केली जाईल असे ही यावेळी सांगितले. मा धर्मादाय उपायुक्तसो कोल्हापूर यांच्याकडे रीतसर प्रस्ताव सादर करून रजिस्टर स्थापना केली जाईल. तसेच नव्याने प्रॅक्टिस करणारे सन 2011 पासून रुजू झालेल्या सिनियरॲडव्होकेट्सना पदाचा लाभ देण्यात येणार आहे. आज अखेर जुन्या बार असोसिएशनने महिलांना कधीच संधी दिली नाही.ती आम्ही महिलांना प्राधान्याने दिली असल्याचे सांगितले.
आज आपल्याकडे ॲड.अमेय जमदग्नी, ॲड इम्रान घोरी, ॲड समीक्षा पाटील, ॲड महेश गेरडे,ॲड अमर बुबनाळे.ॲड ममतेश आवळे, ॲड महेश जोशी, ॲड इब्राहिम ढालाईत, ॲड.इकबाल घोरी असे 10 विधिज्ञ असून भविष्यात आमच्या कडे 25 ॲड. विधिज्ञानी ऍप्लिकेशन दिले असल्याचे नवीन अध्यक्षानी सांगितले.
आपली असोसिएशन ऑफ ॲडव्होकेट्स कुरुंदवाड या संस्थेची घटना सर्वाना मान्य असून भविष्यात कोणताही वाद -विवाद न करता चांगले काम करत राहील अशी गॅरेंटी दिल्याची सांगितले आहे. आज पर्यंत आमच्यावर अन्याय झाला असून जुनेच ॲडव्होकेट्स यांनी मनमानी कारभार करीत असून आम्ही त्यांच्या या मुस्कटदाबीला कंटाळलो आहोत. म्हणून आम्ही नवा मार्ग निवडला असल्याचे सांगितले.
