श्रीवर्धन : पावसाळ्यात श्रीवर्धन तालुक्यातील विविध रस्त्यांवर मोठ्या प्रमाणात खड्डे पडले असून, रस्त्यांच्या कडेला झाडी व माती आल्याने वाहतुकीस अडथळा निर्माण होत आहे. तसेच काही ठिकाणी नाल्यांचे पाइप खराब झाल्याने पावसाच्या पाण्याचा निचरा होण्यास अडचणी निर्माण होत आहेत.
या समस्यांकडे सार्वजनिक बांधकाम विभागाच्या (PWD) अधिकाऱ्यांचे लक्ष वेधण्यासाठी भेट घेण्यात आली. यावेळी पावसामुळे रस्त्यांच्या कडेला आलेली झाडी व माती हटविणे, रस्त्यांवरील खड्डे तातडीने बुजविणे तसेच खराब झालेले नाल्यांचे पाइप दुरुस्त करण्याची मागणी करण्यात आली.
शिवसेना श्रीवर्धन तालुका प्रमुख ओंकार शेलार यांनी यापूर्वी संबंधित विभागाला दोन-तीन वेळा या समस्यांबाबत सूचना करूनही अद्याप अपेक्षित कार्यवाही झालेली नसल्याने नाराजी व्यक्त करण्यात आली. नागरिकांच्या सुरक्षिततेच्या दृष्टीने या समस्यांकडे गांभीर्याने पाहून तातडीने दुरुस्तीची कामे हाती घ्यावीत, अशी मागणी यावेळी करण्यात आली.
या भेटीदरम्यान शिवसेना श्रीवर्धन तालुका प्रमुख ओंकार शेलार हे देखील उपस्थित होते.
पावसाळ्यात नागरिकांना सुरक्षित प्रवास करता यावा आणि रस्त्यांवरील समस्या तातडीने दूर व्हाव्यात, यासाठी सार्वजनिक बांधकाम विभागाने त्वरित आवश्यक कार्यवाही करावी, अशी अपेक्षा व्यक्त करण्यात आली.
