परिवहन मंत्री प्रताप सरनाईक यांच्याशी व्हिडिओ कॉलवर संवाद; पाथरीसाठी आणखी नवीन बसेस देण्याचे आश्वासन
पाथरी, प्रतिनिधी : अहमद अन्सारी पाथरी परभणी
पाथरी शहराच्या सार्वजनिक वाहतूक सुविधेत महत्त्वपूर्ण भर घालणाऱ्या ‘राजमाता जिजाऊ’ ०५ बसचे उद्घाटन शिवसेनेचे परभणी-हिंगोली विधान परिषद आमदार सईद खान यांच्या हस्ते उत्साहपूर्ण वातावरणात करण्यात आले.
यावेळी महाराष्ट्र राज्याचे परिवहन मंत्री मा. प्रताप सरनाईक यांच्याशी व्हिडिओ कॉलद्वारे संवाद साधण्यात आला. यावेळी परिवहन मंत्री प्रताप सरनाईक यांनी पाथरी येथील सेलू कॉर्नर चौकात छत्रपती शिवाजी महाराजांचा पुतळा उभारण्यात आमदार सईद खान यांनी घेतलेल्या पुढाकाराबद्दल विशेष कौतुक केले. तसेच पाथरी परिसरातील प्रवाशांच्या सुविधेसाठी आगामी काळात आणखी नवीन १० बसेस उपलब्ध करून देण्यात येतील, असे आश्वासनही त्यांनी दिले.
आमदार सईद खान यांच्या सातत्यपूर्ण पाठपुराव्यामुळे पाथरी परिसरातील नागरिकांच्या वाहतूक सुविधांना बळ मिळत असून, ‘राजमाता जिजाऊ’ बसच्या उद्घाटनामुळे नागरिकांमध्ये उत्साहाचे वातावरण निर्माण झाले आहे. सार्वजनिक सुविधांसह शहराच्या विकासासाठी आमदार सईद खान सातत्याने प्रयत्नशील असल्याची भावना उपस्थित नागरिकांनी यावेळी व्यक्त केली.
या कार्यक्रमास ज्येष्ठ नेते मुंजाजी भाले , उपनगर अध्यक्ष आलोक चौधरी,जिल्हा सरचिटणीस उद्धवराव नाईक साहेब, विधानसभा प्रमुख बालू भाऊ कुराडे, मार्केट कमिटी संचालक अशोक जिजा गिराम, नगरसेवक गोविंद बापू हरकळ, नसीर तात्या, वैजनाथ जिजा कोल्हे, नाना टाकळकर, माजी सभापती सदाशिव थोरात, जिल्हा परिषदेचे माजी सभापती कृष्णा भैया शिंदे, विक्रम गायकवाड, विठ्ठल रासवे युसुफुद्दीन अन्सारी, एल. आर. कदम , उपशहर प्रमुख शकील अन्सारी, अजीम तांबोळी यांच्यासह अनेक पदाधिकारी उपस्थित होते.
महिला पदाधिकाऱ्यांमध्ये सुनंदाताई फलके, रेखा मनेरे, किरण शिंदे, डोंगरे यांची प्रमुख उपस्थिती होती.
तसेच पाथरी आगार प्रमुख बालासाहेब झरीकर यांच्यासह आगारातील अधिकारी व कर्मचारी मोठ्या संख्येने उपस्थित होते.
‘राजमाता जिजाऊ’ बसच्या उद्घाटनासह पाथरीच्या विकासासाठी सातत्याने होत असलेल्या प्रयत्नांबद्दल आमदार सईद खान यांचे सर्व स्तरातून कौतुक होत असून, परिवहन मंत्री प्रताप सरनाईक यांनीही आणखी नवीन 10 बसेस देण्याचे दिलेले आश्वासन पाथरीकरांसाठी दिलासादायक ठरणार आहे.
