श्रीगोंदा : प्रतिनिधी
श्रीगोंदा येथील श्रीमंत राजमाता विजया राजे शिंदे कन्या विद्यालयात राष्ट्रीय क्रीडा दिनाच्या औचित्य साधून हॉकीचे जादूगार मेजर ध्यानचंद यांच्या जयंतीनिमित्त विद्यार्थिनींसाठी माणुसकीची शाळा या लोक चळवळी अंतर्गत चला निर्भय होऊ या विषयावर कार्यशाळा घेण्यात आली . यावेळी राष्ट्र सेवा दलाचे सदस्य शिवाजीराव नाईकवडी यांनी विद्यार्थिनींना विविध मनोरंजक खेळांच्या माध्यमातून मार्गदर्शन केले. कार्यक्रमाच्या अध्यक्षस्थानी भूषण साळवे हे उपस्थित होते . तर प्रमुख पाहुणे म्हणून शिवाजीराव नायकवडी व त्यांची टीम उपस्थित होती.
कार्यक्रमाचे प्रास्ताविक विद्यालयाच्या मुख्याध्यापिका श्रीमती वर्षा भोईटे यांनी केले. या कार्यशाळेत असुरक्षितते ची भावना, दडपण उदासीनता आत्मविश्वासाचा अभाव आणि यातून उद्भवलेल्या प्रसंगातून बाहेर कसे पडावे या संदर्भात मनोरंजक खेळ, पीपीटी, संवादात्मक चर्चा या माध्यमातून मोलाचे मार्गदर्शन करण्यात आले. क्रीडा विभाग प्रमुख किरण कोकणी यांनी कार्यक्रमाचे आयोजन केले. गुरुकुल प्रमुख किरण शिंदे यांनी सर्वांचे आभार मानले.
