परभणी/प्रतिनिधी :- रमेश मुलगीर
गेल्या कित्येक वर्षांपासून प्रलंबित असलेल्या धनगर समाजाच्या ST आरक्षणाची अंमलबजावणी तात्काळ करावी या प्रमुख मागणी सह विविध मागण्यांचे निवेदन आज मानवत तालुक्यातील सकल धनगर समाजाच्या वतीने मुख्यमंत्री मा. ना. श्री. देवेंद्रजी फडणवीस यांना तहसील प्रसासना मार्फत निवेदन देण्यात आले. यावेळी विविध मागण्या करण्यात आल्या यात धनगर समाजाच्या ST आरक्षणाच्या मागणीवर शासनाने आपली भूमिका स्पष्ट करून तात्काळ अंमलबजावणी करावी,
धनगर समाजाचे श्रद्धास्थान असलेल्या हुतात्मा वीर शिंग्रोबा धनगर यांच्या नावाने मुंबई – बंगळुरू राष्ट्रीय महामार्गावरील संबंधित कनेक्टिंग लिंकचे नामकरण करण्यात यावे. हा प्रखर राष्ट्रप्रेमी योद्ध्याचा सन्मान ठरेल, राष्ट्रमाता, हिंदूधर्मरक्षक पुण्यश्लोक अहिल्यादेवी होळकर यांचे नाव मुंबईतील ऐतिहासिक चर्चगेट रेल्वे स्थानकाला देण्यात यावे. लाखो भाविकांचे श्रद्धास्थान असलेल्या श्री संत बाळूमामा देवस्थान ट्रस्टच्या आर्थिक गैरव्यवहार व अनियमिततेच्या आरोपांची SIT मार्फत सुरू असलेली निष्पक्ष, पारदर्शक व वेळबद्ध उच्चस्तरीय चौकशी तात्काळ पूर्ण करावी व देवस्थानाच्या कारभारासाठी स्वतंत्र देवस्थान कायदा करावा अशा विविध मागण्या निवेदनाद्वारे करण्यात आल्या निवेदनावर शंकर भाऊ तरटे, माणिकराव मोगरे, गंगाधर पितळे, बाबा हाळनोर, शंकर वावरे, मारोती गडदे, कैलास बनगर, दत्तराव कोरडे, गोविंद रोडे, पद्माकर टरपले यांच्या सह सकल धनगर समाज बांधवांच्या स्वाक्षऱ्या आहेत..
