शिवसेना (उद्धव बाळासाहेब ठाकरे) पक्षाकडून जबाबदारी; सामाजिक व राजकीय कार्यासाठी कार्यकर्त्यांकडून अभिनंदन
देवीभोयरे : प्रतिनिधी
देवीभोयरे येथील युवा उद्योजक अतुल शेठ मुळे यांची शिवसेना (उद्धव बाळासाहेब ठाकरे) पक्षाच्या उपजिल्हा संघटकपदी अधिकृत नियुक्ती करण्यात आली आहे. कट्टर शिवसैनिक बबनजी मुळे यांचे चिरंजीव असलेल्या अतुल मुळे यांच्या नियुक्तीमुळे देवीभोयरे व परिसरातील शिवसेना संघटनेला अधिक बळ मिळेल, असा विश्वास स्थानिक कार्यकर्त्यांनी व्यक्त केला.
अतुल मुळे हे उद्योग क्षेत्रासोबतच सामाजिक आणि राजकीय क्षेत्रातही सक्रिय असून, विविध सामाजिक उपक्रमांमध्ये त्यांचा सहभाग राहिला आहे. पक्षाने सोपविलेली नवीन जबाबदारी स्वीकारल्यानंतर संघटनात्मक कार्याला अधिक गती देण्याचा निर्धार त्यांनी व्यक्त केला.
निवडीनंतर प्रतिक्रिया देताना अतुल मुळे यांनी पक्षश्रेष्ठींचे आभार मानले. सामान्य जनतेचे प्रश्न सोडविण्यासाठी तसेच पक्ष संघटना अधिक मजबूत करण्यासाठी प्रामाणिकपणे काम करण्याची ग्वाही त्यांनी दिली.
दरम्यान, त्यांच्या नियुक्तीबद्दल शिवसन्मान प्रतिष्ठान तसेच समस्त ग्रामस्थ देवीभोयरे यांच्या वतीने अतुल मुळे यांचे अभिनंदन करण्यात आले. त्यांच्या पुढील सामाजिक व राजकीय वाटचालीस शुभेच्छा देण्यात आल्या.
