संजय चिव्हाणे यांचे आर्थिक नुकसान; प्रशासनाकडून पंचनामा करून नुकसानभरपाई देण्याची मागणी
बरडगाव | दि. २० सप्टेंबर २०२६ : बरडगाव येथील संजय चिव्हाणे हे नेहमीप्रमाणे शेळ्या चारण्यासाठी गावाच्या परिसरात गेले होते. दरम्यान, परिसरात अचानक पावसाला सुरुवात झाली. पावसादरम्यान अचानक वीज कोसळल्याने पाच शेळ्यांचा मृत्यू झाला. या घटनेमुळे संजय चिव्हाणे यांचे मोठे आर्थिक नुकसान झाले आहे.
घटनेची माहिती मिळताच डॉ. कुणाल भोयर यांनी संबंधित प्रशासनाने तातडीने घटनास्थळी पाहणी करून पंचनामा करावा आणि नुकसानग्रस्त पशुपालकाला नियमानुसार नुकसानभरपाई मिळवून द्यावी, अशी मागणी केली.
या घटनेमुळे चिव्हाणे कुटुंबावर आर्थिक संकट निर्माण झाले असून, प्रशासनाने नुकसानभरपाईसाठी तातडीने कार्यवाही करावी, अशी अपेक्षा व्यक्त करण्यात आली.
यावेळी रणधीरजी किन्नाके, अशोकजी येडस्कर (माजी सरपंच), प्रफुल पाटील (पोलीस पाटील), प्रकाश निळ, गणेश आडे, नितीन झिले, दत्ता मडावी, अखिल घडले, अमर गंडे, राहुल गंडे, शुभम चिव्हाणे आदी उपस्थित होते.
