चित्रकला, वक्तृत्व व निबंध स्पर्धांसह आरोग्य तपासणी, व्यसनमुक्तीपर व्याख्यान; वृक्षारोपण, योग व ध्यान सत्रालाही विद्यार्थ्यांचा प्रतिसाद
पेण, रायगड : प्रतिनिधी
पेण तालुक्यातील शासकीय माध्यमिक आश्रमशाळा, वरवणे येथे १७ सप्टेंबर ते १७ ऑक्टोबर २०२६ या कालावधीत सेवा संकल्प अभियानांतर्गत विविध शैक्षणिक, सामाजिक, आरोग्यविषयक व जनजागृतीपर उपक्रमांचे आयोजन करण्यात आले आहे.
या अभियानाच्या माध्यमातून विद्यार्थ्यांच्या कलागुणांना वाव देण्यासाठी चित्रकला, वक्तृत्व आणि निबंध स्पर्धांचे आयोजन करण्यात आले आहे. विद्यार्थ्यांच्या सर्वांगीण विकासासोबतच त्यांच्या आरोग्याची काळजी घेण्याच्या उद्देशाने आरोग्य तपासणी व आरोग्यविषयक मार्गदर्शनही करण्यात येत आहे.
विद्यार्थ्यांमध्ये व्यसनांच्या दुष्परिणामांविषयी जनजागृती निर्माण व्हावी, यासाठी व्यसनमुक्तीपर व्याख्यानाचे आयोजन करण्यात आले. तसेच पर्यावरण संवर्धनाचा संदेश देण्यासाठी वृक्षारोपण, शारीरिक व मानसिक आरोग्यासाठी योग शिबिर आणि ध्यान सत्राचे आयोजन करण्यात आले आहे.
विविध उपक्रमांच्या माध्यमातून विद्यार्थ्यांमध्ये सामाजिक बांधिलकी, सर्जनशीलता, आत्मविश्वास, आरोग्यविषयक जागरूकता तसेच पर्यावरणाबाबतची संवेदनशीलता निर्माण करण्याचा प्रयत्न करण्यात येत आहे. अभियानातील विविध उपक्रमांना विद्यार्थ्यांचा उत्स्फूर्त प्रतिसाद मिळत आहे.
शाळेचे मुख्याध्यापक श्री. एस. जे. जानकर यांच्या मार्गदर्शनाखाली सेवा संकल्प अभियानातील विविध उपक्रमांची प्रभावीपणे अंमलबजावणी करण्यात येत आहे.
