पाथरी :प्रतिनिधी अहमद अन्सारी पाथरी परभणी 7218275486
सामाजिक बांधिलकी जपत आणि शैक्षणिक प्रगतीला हातभार लावण्याच्या पवित्र उद्देशाने,’प्रमोद भैया मित्र मंडळ’ आणि ‘ESL कंपनी’ यांच्या संयुक्त विद्यमाने ढालेगाव येथे भव्य शालेय साहित्य वाटप कार्यक्रमाचे यशस्वी आयोजन आज दिनांक १२ ऑक्टोंबर सोमवार रोजी करण्यात आले होते.
ESL कंपनीच्या सामाजिक जबाबदारीच्या (CSR) विचारांना प्रत्यक्ष कृतीत उतरवत, कंपनीच्या सहकाऱ्यांनी आणि मित्र परिवाराने या उपक्रमात सक्रिय सहभाग घेतला.
या कार्यक्रमास प्रमुख पाहुणे म्हणून जिल्हा परिषद सदस्य हर्षवर्धन कोल्हे पाटील उपस्थित होते.
आपल्या मार्गदर्शनात त्यांनी सांगितले की, “विद्यार्थ्यांच्या शिक्षणात मदत करणे हे सर्वात मोठे पुण्यकर्म आहे. ESL कंपनी आणि प्रमोद भैया मित्र मंडळाने घेतलेला हा पुढाकार अत्यंत कौतुकास्पद असून यामुळे ग्रामीण भागातील विद्यार्थ्यांना शिक्षणासाठी मोठे प्रोत्साहन मिळेल.”
कार्यक्रमाचे अध्यक्षस्थानी सरपंच अमोल शिंदे यांनी भूषवले.तसेच शाळा व्यवस्थापन समिती अध्यक्ष हनुमान शिंदे आणि उपाध्यक्ष नारायण आतकरे यांची विशेष उपस्थिती लाभली.
या प्रसंगी ढालेगावचे भागवत शिंदे,बंटी शिंदे,बाबासाहेब शिंदे,सतीश झोल, विक्रम शिंदे,माउली शिंदे,बाळू शिंदे,माउली शिंदे,राजेभाऊ लिंबोरे यांच्यासह ESL कंपनीचा संपूर्ण मित्र परिवार आणि ग्रामस्थ मोठ्या संख्येने उपस्थित होते.
निःस्वार्थ समर्पण आणि सामाजिक ध्येय
ESL कर्मचाऱ्यांनी भारतातील विविध भागांत सामाजिक उपक्रम राबवून कंपनीची धर्मादाय विचारसरणी नेहमीच जपली आहे.
ढालेगाव येथील कार्यक्रमाद्वारे त्यांनी पुन्हा एकदा सामाजिक जबाबदारीचे उत्तम उदाहरण समोर ठेवले आहे. या कार्यक्रमातून शेकडो गरजू विद्यार्थ्यांना वह्या, पुस्तके आणि इतर शालेय साहित्याचे वाटप करण्यात आले.
विद्यार्थ्यांच्या चेहऱ्यावरील आनंद पाहून उपस्थितांनी या उपक्रमाचे मनापासून कौतुक केले.सर्व उपस्थितांनी ESL कंपनीच्या या निःस्वार्थ समर्पणाबद्दल आणि कर्मचाऱ्यांच्या कठोर परिश्रमांबद्दल त्यांचे मनःपूर्वक आभार मानले.
