( प्रतिनिधी:-तुषार शिंपी)
एरंडोल- : आरोग्य क्षेत्रात उल्लेखनीय कार्य आणि निस्वार्थी कामगिरी केल्याबद्दल जळगाव जिल्ह्यातील एरंडोल येथील आरोग्य दूत तथा मानव सेवा बहुउद्देशिय संस्थेचे अध्यक्ष युवराज उर्फ विक्की खोकरे यांना अत्यंत मानाचा आणि प्रतिष्ठित ‘शरद रत्न पुरस्कार’ देऊन गौरविण्यात आले आहे. दादर येथील रविंद्र नाट्य मंदिर सभागृहात शरद प्रतिभाशाली सांस्कृतिक प्रतिष्ठान आयोजित एका विशेष भव्य सोहळ्यात हा पुरस्कार प्रदान करण्यात आला.
खासदार शरदचंद्रजी पवार साहेबांच्या उपस्थितीत (शरद पवार गट) महाराष्ट्र प्रदेशाध्यक्ष शशिकांत शिंदे यांच्या हस्ते विक्की खोकरे यांना शाल, सन्मानचिन्ह आणि मानपत्र देऊन सन्मानित करण्यात आले. यावेळी माजी खासदार रामसेठ ठाकुर, राष्ट्रीय संत शिवाचार्य धारेश्वर महाराज, प्रतिष्ठानचे अध्यक्ष राजाराम बुवा शेलार, उपाध्यक्षा भावनाताई घाणेकर, हास्य अभिनेते अरुण कदम ,सीने निर्देशक विनोद शिंदे आदी मान्यवर उपस्थित होते.
विक्की खोकरे यांनी गेल्या १६ वर्षांपासून ग्रामीण आणि गरजू भागातील रुग्णांना तात्काळ वैद्यकीय मदत मिळवून देणे, शिर्डी येथील साईबाबा रुग्णालयात हजारो रुग्णांना जीवनदान दिले आहे आरोग्य तसेच शासकीय आरोग्य योजना लोकांपर्यंत पोहोचवण्यात मोलाचे योगदान दिले आहे. आणि विशेष कोरोना महामारीत केलेले अस्मरणीय केलेले कार्य त्यांच्या याच निरंतर समाजसेवेची दखल घेऊन त्यांना या पुरस्काराने सन्मानित करण्यात आले आहे.
यावेळी विक्की खोकरे यांनी आपल्या भावना व्यक्त करताना “हा पुरस्कार माझ्या एकट्याचा नसून, मला वेळोवेळी साथ व मदत करणाऱ्या संपूर्ण ख्यातनाम डॉक्टर टीम आणि माझ्या पाठीशी नेहमी असलेल्या रुग्णांचा आशिर्वादाचा आहे. या सन्मानामुळे समाजसेवेची जबाबदारी आणखी वाढली आहे,” अशा भावना त्यांनी याप्रसंगी व्यक्त केल्या.
या सोहळ्याला परिसरातील अनेक चित्रपट अभिनेते, सामाजिक, राजकीय आणि वैद्यकीय क्षेत्रातील मान्यवर उपस्थित होते विक्की खोकरेना हा मानाचा पुरस्कार मिळाल्याबद्दल संपूर्ण जिल्ह्यातून आणि आरोग्य वर्तुळातून त्यांच्यावर अभिनंदनाचा वर्षाव होत आहे..
