दादासाहेब दरेकर आणि अभिलाष घिगे यांच्या पाठपुराव्याला यश; जाधव पाटील वस्तीसह परिसरातील वीजपुरवठ्याच्या अडचणी दूर होण्यास मदत
प्रतिनिधी :
अहिल्यानगर तालुक्यातील गुंडेगाव येथील जाधव पाटील वस्तीवर NSC विद्युत योजनेअंतर्गत नवीन विद्युत रोहित्र (ट्रान्सफॉर्मर) बसविण्यात आले आहे. या रोहित्राचे उद्घाटन कृषी उत्पन्न बाजार समितीचे माजी सभापती अभिलाष घिगे पाटील आणि भाजपचे युवा नेते दादा दरेकर यांच्या हस्ते करण्यात आले.
गुंडेगाव येथील नागरिक आणि शेतकऱ्यांची विजेची गरज लक्षात घेता या परिसरात नवीन विद्युत रोहित्र बसविण्याची मागणी करण्यात आली होती. यासाठी भाजप नेते दादा दरेकर यांनी सातत्याने पाठपुरावा केला. त्यांच्या प्रयत्नांना यश मिळाल्याने जाधव पाटील वस्ती येथे नवीन रोहित्र बसविण्याचे काम पूर्ण झाले आहे. त्यामुळे परिसरातील वीजपुरवठ्याशी संबंधित अडचणी दूर होण्यास मदत होणार असून, नागरिक आणि शेतकऱ्यांना दिलासा मिळण्याची अपेक्षा आहे.
या उद्घाटनप्रसंगी उपस्थित मान्यवरांनी दादा दरेकर यांच्या पाठपुराव्याबद्दल समाधान व्यक्त केले. स्थानिक नागरिकांच्या मूलभूत सुविधांसाठी अशा विकासकामांची आवश्यकता असल्याचे मत यावेळी व्यक्त करण्यात आले. नवीन रोहित्रामुळे जाधव पाटील वस्ती आणि परिसरातील वीजपुरवठा अधिक सुरळीत होण्यास मदत होईल, अशी अपेक्षा ग्रामस्थांनी व्यक्त केली.
यावेळी गुंडेगावचे उपसरपंच संतोष भापकर, बबनराव हराळ पाटील, विजय माने, संभाजी जाधव, नानासाहेब हराळ, महादेव माने महाराज, बाळासाहेब माने, दादासाहेब जाधव, संदीप धावडे, अशोक पाटील, संतोष धावडे, बापू चौधरी, प्रदीप भापकर, दादासाहेब हराळ, संतोष जाधव, शिवाजी जाधव, संतोष कोतकर, गोरख माने, पत्रकार संजय भापकर, शामराव कासार, भवानी प्रसाद चुंबळकर, रावसाहेब पाटील, तुषार जाधव यांच्यासह इतर मान्यवर आणि ग्रामस्थ उपस्थित होते.










