उदगीर/ कमलाकर मुळे : मतदार संघ हा आंध्रप्रदेश ,तेलंगणा व कर्नाटक राज्याच्या सिमेवर आहे.उदगीर नगरी ही ऐतिहासिक असून या ठिकाणी मोठी बाजारपेठ आहे.तसेच जिल्हास्तरीय सर्व कार्यालये, जिल्हास्तरीय न्यायालये,प्रादेशिक परिवहन (आर.टी.ओ.)कार्यालयासह वेगवेगळ्या प्रकारची जिल्हास्तरीय कार्यालये आहेत.तसेच रेल्वेची कनेक्टीव्हीटी असल्याने दळणवळणासाठी लागणाऱ्या सर्व यंञणा उदगीर मतदार संघात उपलब्ध होत आहेत.तसेच नियोजित विमानतळासाठी मुबलक प्रमाणात जागाही उदगीर येथे उपलब्ध असून या उदगीर येथे आपण विमानतळास मंजूरी दिली तर येथील मागास भागाचा विकास होण्यास मदत होईल आणि या भागातील विविध प्रश्न सुटतील.
सदर विमानतळ उदगीरला झाले तर आंध्रप्रदेश, तेलंगणा व कर्नाटक राज्यातील व्यापाऱ्यांनायाचा फायदा होणार असून या भागातील नागरिकांना देश-विदेश व धार्मिक स्थळांना जाण्यासाठी याचा फायदा होणार आहे.म्हणून आपण विमानतळास मान्यता दयावी अशी विनंती माजी मंञी तथा उदगीरचे आ.संजय बनसोडे यांनी महाराष्ट्राचे मुख्यमंत्री देवेंद्र फडणवीस,नागरी उड्डाण मंञी मुरलीधर मोहाळ एअरपोर्ट ॲथाॅरिटी ऑफ इंडियाचे चेअरमन विपीन कुमार यांच्याकडे आ.संजय बनसोडे यांचे लेखी निवेदनाद्वारे केली आहे. आ.संजय बनसोडे यांनी२०२४ च्या विधानसभेच्या निवडणुकीत उदगीर मतदार संघातील जनतेला उदगीर येथे विमानतळ उभारणार असल्याचे वचन दिले होते.त्या वचनाची पुर्ती करताना आज पहिले पाऊल आमदार बनसोडे यांनी उचलून उदगीरच्या प्रगतीसाठी मी राञंदिवस काम करणार असल्याची ग्वाही माजी मंञी आ.संजय बनसोडे यांनी दिली आहे.
Discussion about this post