दौंड तहसील कार्यालयात प्रहार दिव्यांग संघटनेची मासिक बैठक संपन्न

दिव्यांग पेन्शन आणि इतर समस्यांवर तहसीलदारांशी चर्चा

दौंड | प्रतिनिधी

दौंड तालुक्यातील दिव्यांगांच्या विविध समस्यांबाबत चर्चा करण्यासाठी प्रहार दिव्यांग संघटनेची मासिक बैठक रविवार, दि. 23 फेब्रुवारी 2025 रोजी दुपारी 12 वाजता तहसील कार्यालय, दौंड येथे आयोजित करण्यात आली.

या बैठकीत दिव्यांग पेन्शन (DPT) योजनेबाबत चर्चा करण्यात आली. अनेक दिव्यांगांना पेन्शन मिळत असली तरी, काहीजण डीबीटी (DBT) सुविधेपासून वंचित आहेत. तसेच, मंडल अधिकारी काही प्रकरणे प्रलंबित ठेवतात आणि वेळेत पुढे पाठवत नाहीत, असे प्रश्न उपस्थित करण्यात आले.

आमदार राहुल कुल यांच्या पाठपुराव्यानंतर बैठक संपन्न

यापूर्वी रविवारी माननीय दौंड तालुका आमदार राहुल दादा कुल यांच्या निवासस्थानी दिव्यांग बांधवांची बैठक झाली होती. त्या वेळी आमदारांनी तहसीलदार शेलार साहेब यांना तातडीने दिव्यांगांसोबत बैठक घेण्याचे निर्देश दिले होते.

त्यानुसार, तहसीलदार शेलार यांनी बैठक आयोजित करून दिव्यांगांच्या समस्या समजून घेतल्या आणि संबंधित अधिकाऱ्यांना लवकरात लवकर प्रलंबित प्रकरणे निकाली काढण्याच्या सूचना दिल्या.

पेन्शन प्रकरणे दाखल आणि संघटनेचे सहभाग

यावेळी दादासाहेब ढमे यांनी दौंड पूर्व भागातील संजय गांधी पेन्शन योजनेची सात प्रकरणे दाखल केली.

बैठकीस प्रहार दिव्यांग संघटनेचे पदाधिकारी आणि बहुसंख्य दिव्यांग बांधव भगिनी उपस्थित होते.
त्यामध्ये –

• सुभाष अण्णा दिवेकर (कार्याध्यक्ष, पुणे जिल्हा)
• शरद बाप्पू दिवेकर (जिल्हा संघटक)
• सोमनाथ जी लवांडे (तालुका अध्यक्ष)
• फडके साहेब (दारूबंदी समिती अध्यक्ष)

या बैठकीत उपस्थित होते. दिव्यांगांसाठी सुरू असलेल्या योजनांचा लाभ अधिकाधिक लोकांपर्यंत पोहोचवण्यासाठी संघटना कार्यरत राहील, असा निर्धार यावेळी करण्यात आला.