जागतिक महिला दिनानिमित्त रुद्राक्ष कॉम्प्युटर आणि MSCIT सेंटरतर्फे महिलांचा सन्मान !

गणेश राठोड,
तालुका प्रतिनिधी उमरखेड..

जागतिक महिला दिनाच्या निमित्ताने रुद्राक्ष कॉम्प्युटर आणि MSCIT सेंटर तर्फे विशेष कार्यक्रमाचे आयोजन करण्यात आले. या कार्यक्रमात महिलांना प्रमाणपत्र प्रदान करून त्यांचा सन्मान करण्यात आला. समाजात महिलांनी शिक्षण, उद्योग, तंत्रज्ञान आणि विविध क्षेत्रांत मोठी झेप घेतली आहे. याच पार्श्वभूमीवर महिलांना तंत्रज्ञान क्षेत्रात आत्मनिर्भर बनवण्यासाठी रुद्राक्ष कॉम्प्युटर सेंटरतर्फे कौशल्य प्रशिक्षण देण्यात आले होते.

महिलांच्या प्रगतीसाठी विशेष उपक्रम :

सदर कार्यक्रमात MSCIT तसेच इतर डिजिटल कौशल्य प्रशिक्षण पूर्ण करणाऱ्या महिलांना प्रमाणपत्र देऊन गौरवण्यात आले. महिला सबलीकरणासाठी अशा उपक्रमांची नितांत गरज आहे. महिलांना डिजिटल साक्षर करण्याचे उद्दिष्ट बाळगून रुद्राक्ष कॉम्प्युटर सेंटरने हा स्तुत्य उपक्रम राबवला आहे.

महिला सक्षमीकरणासाठी पुढाकार:

या वेळी उपस्थित मान्यवरांनी महिलांच्या प्रगतीसाठी अशा उपक्रमांचे महत्त्व अधोरेखित केले. “आजच्या युगात महिलांनी डिजिटल कौशल्य आत्मसात करणे अत्यंत महत्त्वाचे आहे. अशा प्रशिक्षणांमुळे महिला घरबसल्या काम करू शकतात आणि आर्थिकदृष्ट्या सक्षम होऊ शकतात,” असे मत मार्गदर्शन करताना मान्यवरांनी व्यक्त केले.

महिला दिनाचा खऱ्या अर्थाने साजरा !

या उपक्रमामुळे अनेक महिलांना डिजिटल शिक्षणाचे नवे दालन खुले झाले आहे. कार्यक्रमाला उत्स्फूर्त प्रतिसाद मिळाला असून, प्रशिक्षण घेतलेल्या महिलांनी रुद्राक्ष कॉम्प्युटर आणि MSCIT सेंटरचे आभार मानले.
महिला दिनानिमित्त राबवलेल्या या स्तुत्य उपक्रमाबद्दल रुद्राक्ष कॉम्प्युटर आणि MSCIT सेंटरचे सर्व स्तरातून कौतुक होत आहे.कार्यक्रमाचे अध्यक्ष पत्रकार संघाचे अध्यक्ष विवेक पांढरे डॉ गजानन वैधे शेख तसलीम शैलेश वानखेडे रिजवान शेख करम लाला शैलेशपेंटेवाड विकी भिसे चंद्रशेखर व सर्व पत्रकार बांधव व विद्यार्थी विद्यार्थिनी उपस्थित होते..