- आजरा महाविद्यालयात विद्यार्थी व पालक मेळाव्याचे आयोजन
सोमवार दि.२५ ऑगस्ट रोजी शिष्यवृत्ती विभागाच्या वतीने विद्यार्थी व पालक मेळाव्याचे आयोजन करण्यात आले. सदर मेळाव्यामध्ये प्रा.संदिप देसाई यांनी महाडीबिटी पोर्टलवर शिष्यवृत्ती अर्ज कसे भरायचे याचे प्रात्यक्षिक दाखवले. महाराष्ट्र शासनाच्या विद्यार्थ्यासाठीच्या शिष्यवृत्ती योजनांची माहिती सांगून जातीचे दाखले, रहिवासी दाखले,जात पडताळणी इ. साठी लागणाऱ्या कागदपत्रांची माहिती दिली, तसेच शासनाच्या सारथी, बार्टी, महाज्योती योजना बद्दल चर्चा केली.
मेळाव्याचे अध्यक्ष व महाविद्यालयाचे प्राचार्य डॉ. अशोक सादळे यांनीं विद्यार्थ्यांनी वेळेत आपले अर्ज भरून शासनाच्या योजनांचा लाभ घ्यावा असे अहवान विद्यार्थ्यांना केले तसेच महाविद्यालय विद्यार्थ्यांना शिष्यवृत्ती मिळवण्यासाठी सर्वोतपरी प्रयत्न करेल असे प्रतिपादन केले. यावेळी उपप्राचार्य प्रा. दिलीप संकपाळ, कार्यालयीन अधीक्षक श्री. योगेश पाटील, लिपिक श्री राहुल देसाई व बहुसंख्य विद्यार्थी व पालक उपस्थित होते.
प्रा. डॉ. राजीव करपे यांनी स्वागत व प्रास्ताविक केले. प्रा. सौ केंद्रे यांनी आभार मानले.
