सारथी महाराष्ट्राचा न्यूज:- प्रतिनिधी एटापल्ली तालुका
एटापल्ली :- तालुक्यातील जारावंडी/कांदळी येथे शिवशक्ती शिवउत्सव समितीच्या सौजन्याने महाशिवरात्रीच्या पावन पर्वानिमित्त ‘राधे राधे झांकी’ या भव्य धार्मिक व सांस्कृतिक कार्यक्रमाचे आयोजन करण्यात आले. कार्यक्रमाला अहेरी इस्टेटचे राजे तथा माजी राज्यमंत्री राजे अम्ब्रीशराव महाराज यांची विशेष उपस्थिती लाभली.
राजे अम्ब्रीशराव महाराज यांच्या उपस्थितीमुळे कार्यक्रमाची शोभा अधिकच वाढली. यावेळी त्यांनी उपस्थित भाविकांना महाशिवरात्रीच्या शुभेच्छा देत धार्मिक परंपरा, संस्कृती आणि सामाजिक ऐक्य जपण्याचे आवाहन केले. त्यांनी तरुणांनी अशा धार्मिक व सांस्कृतिक उपक्रमांमध्ये सक्रिय सहभाग घ्यावा, असेही सांगितले.
कार्यक्रमात ‘राधे राधे झांकी’चे आकर्षक सादरीकरण करण्यात आले. भव्य देखावे, प्रकाशयोजना आणि भक्तिमय वातावरणामुळे झांकी सर्वांच्या आकर्षणाचे केंद्र ठरली. मोठ्या संख्येने शिवभक्तांनी उपस्थित राहून महाशिवरात्रीचा उत्सव भक्तिभावाने साजरा केला.
या कार्यक्रमास युवा नेते कुमार अवधेशरावबाबा आत्राम, सामाजिक कार्यकर्ते रमेशजी बच्छाड, भाजप जिल्हा सचिव मोहन नामेवार, निरपद रॉय, संजू सेन, सपन करमरकर, पेंढरी सरपंच पप्पू येरमे, प्रविण मुरत्तीवार, प्रशांत पेदापल्लीवार मोरेश्वर सिडाम, नरेश सिडाम, रोहित मडावी, युवा महामंत्री प्रणित पेदापल्लीवार अभिजित गाईन पेंढरी तसेच जारावंडी/कांदळी येथील ग्रामस्थ व शिवभक्त मोठ्या संख्येने उपस्थित होते.
