‘छत्रपती’ शिवरायांच्या इतिहासावर आधारित कॉमिक्स मालिका नाशिक : ऐतिहासिक वारसा आणि आधुनिक तंत्रज्ञान यांचा सुरेख संगम साधत नाशिकच्या लेखिका नम्रता नवले यांनी छत्रपती शिवाजी महाराजांच्या दैदिप्यमान इतिहासावर आधारित ‘छत्रपती’ ही कॉमिक्स मालिका तयार केली आहे.
विशेष म्हणजे, ही मालिका मराठी व इंग्रजी अशा दोन्ही भाषांमध्ये जागतिक व्यासपीठ ‘ॲमेझॉन किंडल’ (Amazon Kindle) वर ई-बुक स्वरूपात उपलब्ध झाली आहे.आजच्या पिढीला, विशेषतः बालमित्रांना महाराष्ट्राचा गौरवशाली इतिहास सोप्या आणि रंजक पद्धतीने समजावा, या उद्देशाने या कॉमिक्सची निर्मिती करण्यात आली आहे.
या मालिकेत चार भागांचा समावेश असून शिवरायांच्या आयुष्यातील महत्त्वपूर्ण प्रसंग मांडले आहेत.
मालिकेतील प्रमुख भाग :• शिवजन्मोत्सव (Prince of Swarajya) – स्वराज्य संकल्पना आणि महाराजांचा जन्म• अफझलखान वध (King’s Gambit) – शौर्य आणि कल्पकतेचा पराक्रम• कोंढाण्याची लढाई (Battle of Kondhana) – तानाजी मालुसरे यांचे बलिदान• सुटकेचा थरार (The Great Escape) – आग्र्यातून झालेली ऐतिहासिक सुटकालेखिका नम्रता नवले यांनी स्वतः कथालेखन व मांडणी केली असून आधुनिक ग्राफिक डिझाइनचा वापर करून कॉमिक्स अधिक प्रभावी बनवली आहे.
मराठीसोबत इंग्रजी भाषेतही मालिका उपलब्ध असल्याने शिवचरित्र जागतिक स्तरावर पोहोचण्यास मदत होत आहे. या प्रकल्पामागील संकल्पना अभिनव गोसावी यांची असून पूजा ठाकरे यांनी सहकार्य केले आहे.“आजच्या डिजिटल युगात मुलांना वाचनाची आवड निर्माण व्हावी आणि त्यांना आपला इतिहास चित्रांच्या माध्यमातून अनुभवता यावा, हा या उपक्रमामागील मुख्य उद्देश आहे,” असे मत लेखिका नम्रता नवले यांनी व्यक्त केले.ही ई-बुक्स ॲमेझॉन किंडलवर ‘Namrata Navale’ किंवा ‘Chhatrapati Comic’ शोधून वाचता येतील.नाव : नम्रता शिवाजी नवले (मोबाईल : ९४२२७९६४७८)
