मिरजेचे शासकीय रुग्णालय; उपचार पद्धती सुपर मल्टी स्पेशालिटी रुग्णालयाला साजेशी; हजारो रुग्णांवर होतं आहेत विविध विभागाद्वारे उपचार ते हि अल्प दरामध्ये
मिरज हि वैद्यकीय पांढरी म्हणून संपूर्ण महाराष्ट्र आणि कर्नाटकमध्ये उल्लेखली जाते कारणही तसेच आहे मिरज शहरामध्ये शेकडो खाजगी आणि शासकीय रुग्णालयांद्वारे रोज हजारो गोर गरीब रुग्णांवर उपचार केले जातात. याच मिरज नगरीमध्ये शासकीय वैद्यकीय महाविद्यालय आणि रुग्णालय उभे आहे. कित्तेक दशकांची गौरव शाली आणि वैभवशाली परंपरा असलेल्या या शासकीय रुग्णालयाने अलीकडील काळामध्ये कात टाकत संपूर्ण अंतरंग बदलून घेतले आहेत तब्बल २५ विविध विभागामार्फत अनेक वैद्यकीय तज्ज्ञ इथे सर्वसामान्य रुग्णांसाठी झटत आहेत. आज या रुग्णालयामध्ये रोज हजारो रुग्ण अगदी मोफत देखील उपचार घेऊ शकतात. आमच्या प्रतिनिधींशी बोलताना या वैद्यकीय महाविद्यालयाचे अधिष्ठाता डॉ प्रकाश गुरव आणि डॉ रुपेश शिंदे म्हणाले आमच्या या रुग्णालयामध्ये कोणत्याही रुग्णांसाठी अगदी केस पेपर फी पासून त्यांच्यावरील उपचारावर अगदी पाफाक दरामध्ये उपचाराची सोया उपलब्ध आहे कित्तेक रुग्णांची आर्थिक परिस्थिती जरी बेताची असली तरी आमचे वैद्यकीय तज्ज्ञ त्याच्यावर अत्याधुनिक आणि महागडे उपचार करून कोणत्याही मोबदल्याशिवाय रुग्णांना अगदी सुखरूप घरी सोडतात. आज या रुग्णालयांमध्ये आमच्या तज्ज्ञ वैद्यकीय मंडळींनी तसेच सर्व निवासी डॉक्टर्स आणि नर्स स्टाफ हा चोवीस तास रुग्ण सेवेमध्ये आहे. सध्या कोणत्याही खाजगी रुग्णालयामध्ये कितीही किचकट उपचार पद्धती सांगितली असली तरी आमच्याकडे ती आमचे डॉक्टर्स चुटकी सरशी सोडवत आहेत नुकतीच सांगलीवाडी च्या ६ वर्षीय बालिकेची केस आपल्याला माहितीच आहे. त्या बालिकेच्या घरची आर्थिक स्थिती नाजूक असल्याचे समजताच आम्ही कोणत्याही प्रकारची बिलासाठी जबरदस्ती केली नाही. आज शासनाच्या मदतीने आमच्या कडील सर्व विभाग हे अत्याधुनिक होत आहेत. आज आमच्या कडे असणारे थ्री डी एम आर आय मशीन ने तर केवळ दीड ते दोन महिन्यांमध्ये हजारो एम आर आय स्कॅनिंग यशस्वी पूर्ण केले आहे. तर इतर सोनोग्राफी आणि एक्स रे युनिटची कामगिरीही चांगली आहे. सध्या रुग्णालयांच्या सुरक्षेसाठी सिमेंट काँक्रीटचे मजबूत असे कंपाउंड वॉल चे काम सुरु आहे तसेच लवकरच भव्य प्रवेशद्वार आपल्या सर्वांच्या स्वागतासाठी असेल.
