नवेगाव
प्रतिनिधी -प्रदीप ताजने
बंजारा समाजाचे आराध्य दैवत क्रांतिवीर संत सेवालाल महाराज यांची २८७ वी जयंती दिं.१७ फेब्रुवारी रोजी नवेगाव येथे अभूतपूर्व जल्लोषात साजरी करण्यात आली.
जयंतीच्या कार्यक्रमाच्या सुरुवातीला सकाळी समाजबांधवाकडुन सदगुरू संत सेवालाल महाराज यांच्या प्रतिमेचे पूजन करून अभिवादन करण्यात आले.
दरम्यान सायंकाळी प्रचंड हर्षोल्लासात फटाक्यांच्या आतिषबाजीसह रंगबेरंगी रोशनाई आणि भक्तीभावपुर्ण महाराजांच्या प्रतिमांची वाजतगाजत गावातून भव्य मिरवणूक काढण्यात आली.यावेळी समाजातील लहान तरुणांसह जेष्ठांचा आनंद हा द्विगुणित झालेला पहावयास मिळाला.
सत्य,अहिंसा,सेवा,नितीमत्ता आणि मानवतेचे पुरस्कर्ते संत सेवालाल महाराज यांनी अंधश्रद्धा,व्यसन आणि वाईट प्रथांविरोधात लढा देत समाजसुधारणेचा भक्कम पाया रचला.
कार्यक्रम यशस्वीतेसाठी शामसिंग चव्हाण, प्रभुजी राठोड, संतोष राठोड, संजय राठोड, योगेश राठोड, रवि राठोड, सुभाष आडे,दिनकर जाधव,माणिक जाधव, बाबुसिंग चव्हाण, केवल पवार ईत्यादींनी सहकार्य केले.तर ज्ञानेश्वर चव्हाण, अभिषेक जाधव, मयूर चव्हाण, रोहित जाधव, शिवम पवार, राहुल आडे,आणि आशिष आडे यांनी कार्यक्रमामध्ये हर्षोल्लासपुर्वक सहभाग घेतला.
