📍 वाळूज महानगर | ता. १९ फेब्रुवारी
वाळूज येथील भगतसिंगनगर परिसरात घरफोडीची गंभीर घटना उघडकीस आली आहे. कुटुंब साखरपुड्याच्या कार्यक्रमासाठी बाहेरगावी गेले असताना अज्ञात चोरट्यांनी घराचे कुलूप तोडून तब्बल २ लाख ७५ हजार रुपयांचा ऐवज लंपास केला.
पोलिसांनी दिलेल्या माहितीनुसार, मोईन मन्सूर सय्यद (वय ३१) हे आपल्या कुटुंबासह भगतसिंगनगर येथे राहतात. लासूर स्टेशनजवळील सनव माडकी येथे साखरपुडा असल्याने १७ फेब्रुवारी रोजी सकाळी घराला कुलूप लावून सर्वजण गेले होते. कार्यक्रमातच लग्न लागल्याने कुटुंब तेथेच थांबले.
दरम्यान, १८ फेब्रुवारी रोजी सकाळी ७:४५ वाजता संजय साळवे यांनी फोन करून घरात चोरी झाल्याची माहिती दिली. घरी येऊन पाहणी केली असता दरवाजाचे कुलूप तोडलेले आढळले.
💰 चोरीस गेलेला मुद्देमाल:
▪️ १५ ग्रॅम सोन्याचा नेकलेस – ₹६०,०००
▪️ १० ग्रॅम सोन्याची पोत – ₹४०,०००
▪️ १० ग्रॅम सोन्याचे हिअरिंग (२ जोड) – ₹४०,०००
▪️ ५ सोन्याच्या अंगठ्या (एकूण १० ग्रॅम) – ₹४०,०००
▪️ १५ भार चांदीचे चैन जोड – ₹३०,०००
▪️ १८ चांदीचे कडे – ₹२०,०००
▪️ रोख रक्कम – ₹४५,०००
👉 एकूण अंदाजे ₹२,७५,००० किमतीचा ऐवज चोरीस गेला आहे.
या प्रकरणी वाळूज पोलीस ठाण्यात अज्ञात आरोपीविरुद्ध गुन्हा दाखल करण्यात आला असून पुढील तपास सुरू आहे.
स्थानिक नागरिकांमध्ये भीतीचे वातावरण निर्माण झाले असून पोलिसांनी परिसरात गस्त वाढवावी, अशी मागणी होत आहे.
