तळोजा फेज २ सेक्टर ३६ येथील सुखसागर सोसायटी मध्ये छत्रपती शिवाजी महाराजांची जयंती मोठ्या उत्साहात साजरी करण्यात आली. सोसायटीतील रहिवाशांनी एकत्र येत पारंपरिक पद्धतीने हा सोहळा साजरा केला.
यावेळी छत्रपती शिवाजी महाराजांच्या प्रतिमेची भव्य पालखी काढण्यात आली. ढोल-ताशांच्या गजरात आणि “जय भवानी, जय शिवाजी” च्या घोषणांनी परिसर दुमदुमून गेला.
कार्यक्रमात तलवारबाजीचे आकर्षक प्रात्यक्षिक सादर करण्यात आले तसेच लेझीमच्या तालावर युवक-युवतींनी दमदार सादरीकरण केले. या पारंपरिक कार्यक्रमांमुळे उपस्थितांमध्ये देशभक्तीची भावना जागृत झाली.
महिला, ज्येष्ठ नागरिक आणि लहान मुलांनीही मोठ्या संख्येने सहभाग घेतला. शिवजयंती निमित्त संपूर्ण परिसर शिवमय झाला होता.
