आपल्या महाराष्ट्रातील प्रगतीशील शेतकरी हे युरोप शेती अभ्यास दौऱ्यासाठी गेलेले आहे.आज १९फेब्रुवारी रोजी फ्रान्सची राजधानी पॅरिस येथे छत्रपती शिवाजी महाराज यांची जयंती मोठ्या उत्साहात साजरी करण्यात आली.या शेतकरी अभ्यास दौऱ्यात अंदरसूल शिक्षण प्रसारक मंडळाचे सरचिटणीस श्री.अमोल सोनवणे व त्यांचे सहकारी शेतकऱ्यांनी जगात कुठेही असलो तरी शिवरायांप्रती प्रेम आणि आदर मनात सदैव राहील हे दाखवून दिले.
शिवरायांच्या स्वराज्य संकल्पनेची प्रेरणा घेऊन आधुनिक शेती, तंत्रज्ञान आणि प्रगतीचा अभ्यास करण्यासाठी श्री.अमोल सोनवणे हे आज पॅरिस येथे आहेत.शौर्य, धैर्य, दूरदृष्टी आणि नेतृत्व यांचे प्रतीक असलेल्या शिवरायांच्या विचारांनी आज युरोप दौऱ्यासाठी गेलेल्या सर्व शेतकऱ्यांना नवसंजीवनी दिली.
विदेशातील भूमीवरही “जय भवानी, जय शिवाजी” चा जयघोष घुमला आणि वातावरण देशभक्तीने भारावून गेले.जगाच्या कोणत्याही कोपऱ्यात गेलो तरी आपल्या संस्कृतीचा आणि इतिहासाचा अभिमान कायमच राहील असे श्री.अमोल सोनवणे यांनी भाष्य केले.
