जत तालुका प्रतिनिधी :-(9404008603)जत नगरपरिषदेचे उपनगराध्यक्ष विक्रम ताड यांनी घेतलेल्या आक्रमक भूमिकेमुळे आणि त्यांच्या निवेदनानंतर महसूल प्रशासन खडबडून जागे झाले आहे. डोनगाव परिसरातील तांबडा टेक हद्दीत सुरू असलेल्या अवैध मुरूम उत्खननावर ही कारवाई करण्यात आली आहे.
जप्त केलेली वाहने: महसूल प्रशासनाने रात्रीच्या वेळी धाड टाकून एक हायवा डंपर (क्रमांक KA 28 AB 1440) आणि एक विना क्रमांकाचा जेसीबी जप्त केला आहे.
डोनगाव परिसरातील तांबडा टेक हद्दीतील सोनारमळा येथे रात्रीच्या अंधारात हे अवैध उत्खनन सुरू होते.
प्रशासकनाने जप्त केलेली दोन्ही वाहने तहसील कार्यालयाच्या नवीन प्रशासकीय इमारतीच्या परिसरात लावण्यात आली आहेत.
उपविभागीय अधिकारी (जत) यांच्या पथकाने ही धडक कारवाई केली.
या अवैध उत्खननामुळे पर्यावरणाची हानी होत होती आणि शासनाचा महसूलही बुडत होता.
या मोहिमेत पथक प्रमुख राजेश चाचे, कुंभारीचे मंडळ अधिकारी आणि ग्राम महसूल अधिकारी यांचा समावेश होता.
अशा प्रकारची कठोर कारवाई सातत्याने व्हावी, अशी मागणी आता स्थानिक नागरिकांमधून केली जात आहे.
