(मराठा मंदिर मुंबई श्री. रामराव विद्यामंदिर हायस्कूल जतचा विशेष उपक्रम)
सांगली जिल्हा प्रतिनिधी :नितिन बदडे 9881887717
म. मं. श्री रामराव विद्यामंदिर हायस्कूल व जुनियर कॉलेज जत विद्यालयात
२७ फेब्रुवारी मराठी राजभाषा
दिनाचे औचित्य साधून विद्यालयाचे मुख्याध्यापक श्री.शिवाजी राव शिंदे,उपमुख्याध्यापक श्री.एस. व्ही. भांगरे सर व पर्यवेक्षक श्री.एस. एन. सरक सर व श्री. आर. डी. पाटीलसर
यांच्या मार्गदर्शनाखाली विविध उपक्रमाचे आयोजन करण्यात आले आहे.
प्रत्येक वर्षी २७ फेब्रुवारी जगभरातले मराठी भाषिक लोक “मराठी भाषा दिवस” साजरा करतात. मराठी कवी विष्णू वामन शिरवाडकर ऊर्फ कुसुमाग्रज यांच्या जयंतीचे औचित्य साधून ‘मराठी राजभाषा दिन’ साजरा केला जातो.
म. मं. श्री. श्री रामराव विद्यालय जत येथे मराठी भाषा दिनाचे औचित्य साधून शालेय विद्यार्थ्यांसाठी ग्रंथप्रदर्शन उपक्रम राबविण्यात आला आहे.
मराठी भाषेतील विविध लेखकांची वाचनीय पुस्तके या ग्रंथ प्रदर्शनात विद्यार्थ्यांना पाहण्यासाठी व अभ्यासासाठी ठेवण्यात आली आहेत. शाळेचे ग्रंथालय सुसज्ज असून यामध्ये सुमारे सतरा ते अठरा हजार पुस्तके विद्यार्थ्यांना वाचनासाठी उपलब्ध आहेत. वाचन हे व्यक्तिमत्त्व विकासाचे एक महत्त्वाचे साधन आहे. वाचनामुळे ज्ञानवृद्धी होते, विचारांची क्षितिजे विस्तारित होतात, आणि व्यक्तीमध्ये सर्जनशीलता वाढते. विविध साहित्य, कथा, कादंबऱ्या, आत्मचरित्रे, आणि शैक्षणिक पुस्तकांचे वाचन करून व्यक्ती नवीन माहिती आणि दृष्टिकोन प्राप्त करते. वाचनाच्या सवयीमुळे भाषिक कौशल्ये सुधारतात, आणि व्यक्तिमत्त्व अधिक समृद्ध होते. वाचन केल्याने तणाव कमी होतो आणि मेंदूला आराम मिळतो. तसेच, वाचनामुळे व्यक्तीला आत्मविश्वास आणि आत्म-साक्षात्कार होतो. म्हणूनच, वाचन ही एक आवश्यक च उपयुक्त क्रिया आहे. व्यक्तीच्या विकासासाठी आणि समाजाच्या व राष्ट्राच्या उन्नतीसाठी वाचन संस्कृती समाजात रुजविणे आवश्यक आहे. शालेय विद्यार्थ्यांसाठी वाचन हे अत्यंत आवश्यक आहे. वाचनामुळे त्यांच्या अभ्यासाच्या गतीत वाढ होते. वाचनाच्या सवयीमुळे विद्यार्थ्यांच्या बौद्धिक विकासात भर पडते. तसेच वाचनामुळे त्यांना त्यांच्या आवडत्या क्षेत्रात प्रगती करण्याची संधी मिळते.
संपूर्ण कार्यक्रमाचे नियोजन श्री. पी. डी. साळुंखेसर, श्री. एस. आर. चिपटेसर श्री. इब्बे. डी. डवरी सर, कु. पी.आर. गव्हाणे मॅडम यांनी केले.
