लातूर सहकार संकुलाच्या भूमिपूजनाचा सोहळा उत्साहात

लातूर | प्रतिनिधी

लातूर येथे शनिवार, ११ जुलै २०२६ रोजी सहकार संकुलाच्या भूमिपूजनाचा भव्य सोहळा उत्साहात पार पडला.

या कार्यक्रमाचे उद्घाटन सार्वजनिक बांधकाम मंत्री तथा लातूर जिल्ह्याचे पालकमंत्री शिवेंद्रसिंहराजे भोसले यांच्या हस्ते झाले. कार्यक्रमाच्या अध्यक्षस्थानी महाराष्ट्र राज्याचे सहकार मंत्री बाबासाहेब पाटील उपस्थित होते.

यावेळी प्रमुख पाहुणे म्हणून विधान परिषद सदस्य विक्रम काळे, लातूर महानगरपालिकेच्या महापौर जयश्री सोनकांबळे, खासदार ओमप्रकाश राजेनिंबाळकर, खासदार डॉ. शिवाजी काळगे, विधान परिषद सदस्य सतीश चव्हाण, विधान परिषद सदस्य बसवराज पाटील, आमदार संभाजी पाटील निलंगेकर, आमदार अमित विलासराव देशमुख, आमदार संजय बनसोडे, आमदार अभिमन्यू पवार, आमदार रमेश कराड, जिल्हा परिषद अध्यक्षा उषाताई संभाजीराव पाटील तळेगावकर आदी मान्यवर उपस्थित होते.

तसेच प्रधान सचिव (सहकार व पणन) प्रवीण दराडे, सहकार आयुक्त तथा निबंधक दीपक तावरे, जिल्हाधिकारी डॉ. भारत बस्तेवाड, पोलीस अधीक्षक अमोल तांबे, मुख्य कार्यकारी अधिकारी राहुल कुमार मीना आणि लातूर महानगरपालिकेचे आयुक्त राहुल कुलकर्णी यांचीही प्रमुख उपस्थिती लाभली.

मान्यवरांच्या उपस्थितीत सहकार क्षेत्राच्या बळकटीसाठी महत्त्वपूर्ण मानल्या जाणाऱ्या या सहकार संकुलाच्या भूमिपूजनाचा कार्यक्रम उत्साहपूर्ण वातावरणात संपन्न झाला. या प्रकल्पामुळे लातूर जिल्ह्यातील सहकारी संस्थांना अधिक सक्षम पायाभूत सुविधा उपलब्ध होऊन सहकार चळवळीला चालना मिळेल, अशी अपेक्षा व्यक्त करण्यात आली.