कन्नड | प्रतिनिधी :
श्री संत ज्ञानेश्वर विद्यामंदिर, शिवनगर, कन्नड येथे विद्यार्थ्यांच्या सर्जनशीलतेला चालना देण्यासाठी “मातीपासून वस्तू तयार करा” हा उपक्रम उत्साहात पार पडला.
या उपक्रमात विद्यार्थ्यांनी आपल्या कल्पकतेचा आणि कलागुणांचा सुंदर आविष्कार घडवत मातीपासून विविध आकर्षक वस्तू, खेळणी, फुले, भांडी, प्राणी-पक्षी तसेच विविध कलाकृती साकारल्या. विद्यार्थ्यांच्या कल्पनाशक्तीचे आणि हस्तकौशल्याचे यावेळी कौतुक करण्यात आले.
या उपक्रमामुळे विद्यार्थ्यांमध्ये सर्जनशील विचार, कलात्मकता, संयम, सूक्ष्म निरीक्षण, हस्तकौशल्य आणि आत्मविश्वासाचा विकास झाला. विद्यार्थ्यांनी मोठ्या उत्साहाने सहभाग नोंदवत उपक्रम यशस्वी केला.
शाळा प्रशासनाने सर्व सहभागी विद्यार्थ्यांचे अभिनंदन करत अशा उपक्रमांमुळे विद्यार्थ्यांच्या सुप्त कलागुणांना वाव मिळून त्यांचा सर्वांगीण विकास घडतो, असा विश्वास व्यक्त केला.
