अंदरसूल ता येवला येथील मातोश्री शांताबाई गोविंदराव सोनवणे इंग्लिश मिडीयम स्कूल मध्ये मराठी भाषा गौरव दिन उत्साहपूर्ण वातावरणात साजरा करण्यात आला. सुप्रसिद्ध साहित्यिक विष्णू वामन शिरवाडकर (कुसुमाग्रज) यांच्या जयंतीनिमित्त आयोजित या कार्यक्रमाला विद्यार्थी, शिक्षक यांची मोठ्या प्रमाणावर उपस्थिती लाभली.कार्यक्रमाच्या अध्यक्षस्थानी शाळेच्या मराठी शिक्षिका शर्मिला पवार होत्या.
कार्यक्रमाची सुरुवात मान्यवरांच्या हस्ते दीप प्रज्वलन, कविवर्य कुसुमाग्रज यांच्या प्रतिमेला व सहकार महर्षी स्व. गोविंदराव (नाना) सोनवणे यांच्या पुतळ्याला पुष्पमाला अर्पण करून करण्यात आली.
कार्यक्रमाचे प्रास्ताविक शिक्षिका शोभा निकम यांनी केले.
यावेळी विद्यार्थीनी प्रगती ढोले, सिद्धी एंडाईत, विद्यार्थी अरफात खान व क्षितिज माळी यांनी प्रभावी भाषणे करून उपस्थितांची दाद मिळवली. तसेच शिक्षिका स्मिता खैरनार, प्रिया भागवत, पुजा गायकवाड यांनीही मराठी भाषेच्या जतन व संवर्धनाविषयी मार्गदर्शन केले. अध्यक्षीय भाषणात शर्मिला पवार यांनी मराठी भाषेचे महत्त्व आणि आजच्या पिढीने मातृभाषेचा अभिमान बाळगण्याची गरज यावर प्रकाश टाकला.
याप्रसंगी शिक्षक दीपक खैरनार, अमोल आहेर, अजहर खतीब,
अजीम पटेल, सचिन घोडके, माधुरी माळी, अर्चना एंडाईत, निलिमा देशमुख, सुनिता वडे,
योगिता घोंगाणे उपस्थित होते.
कार्यक्रमाचे सूत्रसंचालन आरती राजपूत यांनी सुंदररित्या केले, तर आभार प्रदर्शन पुजा जाधव यांनी मानले.
