🔴🟡 ✨ रोझरीत “मराठी भाषा गौरव दिन” जल्लोषात व उत्साहात साजरा ✨ 🟡🔴

“रोझरीत मराठी भाषा गौरव दिन” उत्साहात साजरा
रोझरी येथे मराठी भाषा गौरव दिन मोठ्या उत्साहात साजरा करण्यात आला. कार्यक्रमाची सुरुवात प्राचार्य फादर अँथोनी डिसोझा, मुख्याध्यापक मनवेल बारदेस्कर, पर्यवेक्षक विजय केसरकर तसेच जेष्ठ शिक्षक डॉमिनिक डिसोझा यांच्या हस्ते छायाचित्र पूजन करून करण्यात आली. यावेळी सर्व शिक्षकवृंद उपस्थित होता.
विद्यार्थिनी सियाना डिसोझा व निधी परब यांनी मराठी भाषेचे महत्त्व अधोरेखित करणारी प्रभावी भाषणे सादर केली. पर्यवेक्षक विजय केसरकर यांनी विचार पेरणी करत कुसुमाग्रज यांच्या जीवनकार्याचा सखोल परिचय करून दिला व त्यांच्या साहित्यिक योगदानाचा उलगडा करत विद्यार्थ्यांना प्रेरणादायी मार्गदर्शन केले.
कार्यक्रमाच्या यशस्वी आयोजनासाठी संचिझ डिसोझा यांनी विशेष मेहनत घेतली, तर सूत्रसंचालन आशिष फर्नांडिस यांनी प्रभावीपणे केले. संपूर्ण कार्यक्रम रंगीत छायाचित्रांमध्ये टिपला गेला असून उपस्थितांनी मराठी भाषेच्या गौरवाचा अनुभव घेतला.