प्रतिनिधी /पहाडसिंगी .प्रदीप ताजने
पातुर तालुक्यातील पहाडसिंगी मळसुर (जि.अकोला) मार्गावर सुरु असलेल्या नविन डांबरीकरण रस्त्याच्या कामात विहीरीतील कच्च्या खडका चा वापर करुन निकृष्ट दर्जाचे साहित्य वापरून मोठ्या प्रमाणात अनियमितता होत असल्याचा आरोप स्थानिक ग्रामस्थांकडून करण्यात आला आहे.
रस्त्याच्या मजबूतीसाठी आवश्यक असलेली गिट्टी टाकण्याऐवजी विहिरीतील कच्चा खडक वापरून काम उरकले जात असल्याचे निदर्शनास आले आहे.नियमानुसार रस्ते बांधकाम करत असतांना गिट्टी टाकल्यानंतर पाणी मारून रोलरने दबाई करणे अपेक्षित असते, त्यानंतर पुढील थर टाकल्या जातो .मात्र प्रत्यक्ष कामात पाण्याचा वापर करण्यात आलेला नाही.
तसेच रोलरही फिरविण्यात आला नाही ऐवढेच नव्हे तर काही ठिकाणी डांबरीकरण न करता घाईघाईत काम पुर्ण करण्यात येत असल्याचे दिसून येते.तसेच आलेगाव मळसुर फाटा ते गावंडगाव या मुख्य रस्त्याचे डागडुजीचे काम सुद्धा थातूरमातूर करण्यात आले आहे.
या नविन डांबरीकरण व डागडुजीचे निकृष्ट कामामुळे रस्त्याची मजबूती व टिकाऊपणा धोक्यात आला असुन पावसाळ्यात रस्ता जैसे थे होण्याची शक्यता नाकारता येत नाही.
कंत्राटदाराकडून काम पूर्ण दाखवून देयक हडपण्याचा आरोप ग्रामस्थांकडून करण्यात येत आहे.प्रशासनाने तातडीने तांत्रिक पाहणी करून दोषींवर कारवाई करावी अशी मागणी नागरिकांकडून करण्यात येत आहे.
