कुणबी प्रतिष्ठान आयोजित ठाणे व पालघर जिल्ह्यातील सर्व जाती धर्माचे समाज बांधव यांचा सत्कार सोहळा हळदीकुंकू व स्नेहभोजनाचा कार्यक्रम मोठ्या उत्साहात थाटामाटात साजरा करण्यात आला.या कार्यक्रमाचे आयोजन कुणबी प्रतिष्ठान चे अध्यक्ष मा.श्री.उदयजी पाटील साहेब यांच्या नेतृत्वाखाली करण्यात आले होते.
यावेळी नुकतेच महाराष्ट्र शासन कृषी विभागाच्या वतीने आयोजित केलेल्या देशाबाहेरील शेती अभ्यास युरोप दौरा करून आलेल्या कल्याण तालुक्यातील प्रगतशील व पुरस्कार प्राप्त शेतकरी श्री गुरुनाथ सांबरे यांचा कुणबी प्रतिष्ठानच्या वतीने सत्कार करण्यात आला. त्यांनी फ्रान्स, जर्मनी,स्वित्झर्लंड व नेदरलँड येथील विविध शेती प्रक्षेत्र,विद्यापीठे प्रक्रिया उद्योग मार्केट, जागतिक फुल मार्केट,जागतिक हार्टिकलचर सेंटर अशा विविध ठिकाणी भेट देऊन तेथील पिक पद्धती तंत्रज्ञान,मार्केट व्यवस्थापन इत्यादी बाबत अभ्यास करण्यात आला.
श्री गुरुनाथ सांबरे हे परदेश शेती अभ्यास दौरा करून आल्याने त्यांचे सर्व स्तरावरून कौतुक केले जात आहे.
सौ.ज्योतीताई ठाकरे ,श्री किसनराव कार्यक्रमासाठी श्री.किसनराव तारमळे जिल्हाध्यक्ष राष्ट्रवादी काँग्रेस अजित पवार पक्ष,सौ.ज्योतीताई ठाकरे उपनेत्या शिवसेना श्री.मनोहर गगे जिल्हाप्रमुख शिवसेना श्री रविंद्र घोडविंदे सभापती कॄषी उ.बा.समिती कल्याण श्री किसन बोंद्रे श्री.भगवान कोर,श्री भगवान सांबरे तसेच समाजातील अनेक मान्यवर समाज बांधव उपस्थित होते.या कार्यक्रमाचे सूत्रसंचालन श्री.अनिल पटारे सर यांनी केले.तर कार्यक्रमाचे प्रास्ताविक श्री सुधीर पाटील यांनी केले.हा कार्यक्रम यशस्वी करण्यासाठी कुणबी प्रतिष्ठान चे सर्व पदाधिकारी कार्यकर्ते यांनी विशेष मेहनत घेतली.
