जामनेर -श्री सुरेशदादा जैन इन्स्टिट्यूट ऑफ फार्मास्यूटिकल एज्युकेशन अँड रिसर्च जामनेर येथील द्वितीय व तृतीय वर्ष बी फार्मसी च्या विद्यार्थ्यांसाठी 25 फेब्रुवारी रोजी खामगाव येथील ए क्लास ड्रग्स अँड फर्मास्युटिकल्स औषध निर्मिती कारखान्यास शैक्षणिक भेट आयोजित करण्यात आली. ही औद्योगिक भेट ही आमच्या संस्थेचे प्रेरणास्थान आ. नामदार श्री. गिरीशभाऊ महाजन , संस्थेचे अध्यक्ष जितेंद्र बाबुराव पाटील, सचिव जितेंद्र रमेश पाटील , सहसचिव ॲड. शिवाजी सोनार व ज्येष्ठ संचालक दिलीप महाजन यांच्या मार्गदर्शनाखाली पार पडली. या औद्योगिक भेटी दरम्यान विद्यार्थ्यांना औषध निर्मिती उद्योगातील कच्च्या मालापासून अंतिम उत्पादनापर्यंतची संपूर्ण प्रक्रिया त्यामधील साठवणूक उत्पादन व टेस्टिंग यांची प्रत्यक्ष माहिती मिळाली यासोबतच उत्पादन प्रक्रियेसाठी लागणारी आधुनिक यंत्रसामग्री,आर्थिक नियोजन, उद्योग व्यवस्थापन तसेच मानवी संसाधन व्यवस्थापन याबाबत सखोल मार्गदर्शन करण्यात आले या भेटीदरम्यान कंपनीचे प्लांट इन्चार्ज तेजराव आढाव व उत्पादन रसायन शास्त्रज्ञ गजानन सोळंके यांनी विद्यार्थ्यांना औषध निर्मिती क्षेत्रातील प्रत्यक्ष अनुभव गुणवत्ता व उद्योगातील करिअर यासंबंधी मार्गदर्शन केले. सदरील भेटी दरम्यानच खामगाव येथील शिवांगी बेकर्स (पारले जी बिस्कीट उत्पादक) या कारखान्यास ही भेट देण्यात आली. यावेळी महाविद्यालयाचे उपप्राचार्य डॉक्टर सुरज सरोदे,प्रा.राहुल शिंपी , प्रा.मयुर जैन , प्रा.चारुलता सूर्यवंशी , प्रा. निकिता भोकरे व प्रयोगशाळा सहाय्यक महेश दीक्षित उपस्थित होते.
