प्रतिनिधी.. कदम निवृत्ती
ज्येष्ठ शिक्षणतज्ज्ञ, माजी खासदार, माजी कुलगुरू आणि ‘लातूर पॅटर्न’चे जनक म्हणून ओळख असलेल्या डॉ. जनार्दन वाघमारे यांच्या पार्थिवावर आज लातूर जिल्ह्यातील औसा तालुक्यातील कवठा ( ला) येथे अंत्यसंस्कार करण्यात आले… यावेळी कुटुंबीय, नातेवाईक, विविध क्षेत्रातील मान्यवर तसेच नागरिक मोठ्या संख्येने उपस्थित होते.
तसेच यावेळी महाराष्ट्र राज्याचे राज्याचे सहकारमंत्री बाबासाहेब पाटील, लातूर चे खासदार डॉ. शिवाजी काळगे, आमदार अमित देशमुख, आमदार संजय बनसोडे यांच्यासह विविध राजकीय पक्षांचे पदाधिकारी उपस्थित होते.
यावेळी उपस्थित नेत्यांनी डॉ. वाघमारे सरांना श्रद्धांजली अर्पण करत त्यांच्या कार्याची आठवण जागवली आणि त्यांच्या कार्याचा वारसा पुढे नेण्याचा निर्धार व्यक्त केला.
