परभणी प्रतिनिधी :- रमेश मुलगीर
उपनगराध्यक्ष डॉ. अंकुश लाड यांच्या पाठपुराव्याला यश; उर्वरित लाभार्थ्यांनी तुटीची पूर्तता करण्याचे आवाहन
नगर परिषद हद्दीतील प्रधानमंत्री आवास योजनेअंतर्गत (शहरी) पात्र ठरलेल्या ३७२ कुटुंबांना लवकरच हक्काचे घर मिळणार आहे. या प्रक्रियेस गती देण्यासाठी उपनगराध्यक्ष डॉ. अंकुश लाड यांनी सातत्याने पाठपुरावा केला असून त्याला यश आले आहे.
योजनेअंतर्गत लाभार्थ्यांना शासनाकडून आर्थिक सहाय्य दिले जात असून, घरकुल बांधकामासाठी आवश्यक असलेल्या कागदपत्रांची पूर्तता व तांत्रिक अटी पूर्ण करणाऱ्या लाभार्थ्यांना टप्प्याटप्प्याने अनुदान वितरित केले जाणार आहे. अनेक लाभार्थ्यांच्या प्रस्तावांना मान्यता मिळाली असून उर्वरित लाभार्थ्यांनी आवश्यक तुटीची कागदपत्रे व रक्कम लवकरात लवकर जमा करून प्रक्रिया पूर्ण करावी, असे आवाहन डॉ. लाड यांनी केले आहे.
नगर परिषद प्रशासनानेही लाभार्थ्यांना आवश्यक मार्गदर्शन करून योजना प्रभावीपणे राबविण्याचा निर्धार व्यक्त केला आहे. घरकुलाचे स्वप्न पूर्ण होणार असल्याने संबंधित कुटुंबांमध्ये आनंदाचे वातावरण निर्माण झाले आहे.
