8 मार्च जागतीक महिला दिन..
प्रतिनिधी :-दरिकांत कोळेकर सारथी महाराष्ट्राचा न्युज.
कुरुंदवाड :-अन्न रांधून भूक भागविणारी ही अन्नपूर्णा कधी दासी होऊन गेली. हीच आत्मनिर्भर, मुक्त स्त्री लग्नसंस्था व पतीव्रत्याच्या कल्पनेत बंदीस्त होऊन गेली आहे. अन्नपूर्णा सर्वांना तृप्तीचे समाधान देण्यासाठी झटत असते. पण कित्येक ठिकाणी तिच एक मन असलेला माणूस म्हणून पण विचार केला जात नाही. सरस्वती पूजक असलेली ही भक्त आपल्या शिक्षणाचे कायम आपले अस्थित्व दाखवत असते.
सावित्रीबाई फूले तशा अनेक सरस्वतींनी खूप सारे कष्ट व त्रास सहन करून अखिल स्त्री जातीला ज्ञानाची कवाडे उघडून दिली. ज्ञान, पैसा संपत्ती याचा जमीनीवर राहून योग्य रित्या विनीयोग लावून समाजाचे देणे देणाऱ्या जबाबदाऱ्या पार पाडत राजकारण, कला, क्रीडा व माणसाच्या सुखासाठी झटणाऱ्या, पुस्तक हातात न धरणाऱ्या. पण सरस्वतीची लेक अशा बहीणाबाई व स्त्री शक्तीला मानाचा मुजरा. प्रत्येक आईला आपले लेकरू हे मानाने जगावे ही मूलभूत गरज वाटते. स्वतःच्या माणसानी टाकलेल्या आपल्या न अनाथ मुलांची आईपणाची जबाबदारी घेणाऱ्या व त्यात कोणी आडसर आणला तर मात्र साक्षात दुर्गेच रूप दाखवितात.
आपल्या माणसासाठी सदोदीत कष्ट करून चलनी लक्ष्मी घरात आणून देणाऱ्या गृह लक्ष्मीला मात्र दोन प्रेमाचे बोलपण कधी कधी महाग होऊन जातात. ललीत पंचमीला कुमारीका पूजन केले जाते, पण अशा कित्येक कळ्या गर्भातच खूडल्या जातात. तर कित्तेक नराधम काही कळ्या कुस्करून टाकतात. तर असे अॅसिड हल्ले, विनय भंग, करून त्यांच्या आयुष्यात अंधकार पसरवितात. अशा महीषासूर राक्षसी प्रवृत्तीला विरोध करण्याची शक्ती कांही दूर्गा व काली मातेच्या रुपात दिसून येते. व नारी शक्तिवरचा विश्वास पून्हा एकदा उफाळून येतो.
एकाच आयुष्यात किती रुपये बदलतात स्त्रीची। लहानपणी ती आई वडिलांच्या वडीलधाऱ्यांच्या सावलीत अल्लड फुल झाडासारखी सर्वांगाने फुलते, बहरते व मोठी झाल्यावर ती स्वतः आपल्या संपूर्ण परिवाराची काळजी घेते. सर्वांना शितलता प्रदान करणारं एक झाड बनते, तिच्या शीतल छायेत वत्सल-छायेत एक अख्ख कुटुंब नांदत असते. अनेक रूपानी ती घरच्या सर्व मंडळींना सावरत असते. घडवत असते. आधार देत असते, प्रेम देते, मदत करते, कर्तव्य निभावते. स्त्रीच्या या जीवन प्रवासात तिला स्वतःकडे लक्ष द्यायला कमीच वेळ मिळतो.
मग ती येते ४०… काहीतरी तक्रारी मागे लागल्यावर मग स्वतःकडे लक्ष द्यायला हवे याची जाणीव होते. मग डॉक्टरकडे खेपा सुरू होतात. कित्येक रणरागिनी सीमेवर देशांतर्गत विकृत मनोवृत्तीला आळा घालण्यासाठी झटत असतात. अशा या बालिका, कलिका, किशोरी, तरुणी, प्रौढ ऋतूगर्भा, जन्मदा या सर्व स्त्रीशक्तीला त्रिवार अभिवादन…
शब्दांकन :-
सौ. अनुराधा उमेश पागे कुरुंदवाड
