प्रतिनिधी /प्रदीप ताजने
पातुर तालुक्यातील नवेगाव येथे काही दिवसांपूर्वी एका घराला लागलेल्या आगीत सिलेंडरचा भीषण स्फोट होउन एका कुटुंबाच्या संसार साहित्याची अक्षरशः राख रांगोळी झाली होती. त्यामध्ये अन्नधान्य, कपडे आणि इतर साहित्य यांचे फार मोठे नुकसान झाले होते .
याठिकाणी हतबल झालेल्या कुटुंबास मदतीचा हात देत पातुर पंचायत समितीचे माजी उपसभापती भाई इमरान खान मुमताज खान यांनी दि.८ मार्च रोजी भेट देत जीवनावश्यक वस्तुंची मदत केली.
झालेल्या भीषण दुर्घटनेत नवेगाव येथील खुळे कुटुंबिय यांचे घरातील संसारोपयोगी साहित्य तसेच जीवनावश्यक वस्तु यांचे फार मोठे नुकसान झाले होते.त्यामुळे सदर कुटुंब हे उघड्यावर आले असता त्यांना उदरनिर्वाहासाठी लागणार्या वस्तूंची गरज होती.
दरम्यान भाई इमरान खान यांना या घटनेची माहीती मिळताच त्यांनी पिडीत कुटुंबास भेट देऊन धीर दिला .आणि झालेल्या नुकसानीची विचारपूस करून कुटुंबाला जीवनावश्यक वस्तु किराणामाल, वस्त्र आदींचे वितरण केले.त्याचबरोबर शासनस्तरावरून मदत मिळण्यासाठी योग्य ती मदत करण्याचे आश्वासन दिले.
यावेळी त्यांच्यासमवेत राजीक भाई, निलेश करवते,अमित ताजने, सुभाष ताजने,रामदास ताजने नंदु गिर्हे,भिमराव तेलगोटे,देवनाथ तेलगोटे,साबीर भाइ,प्रदीप भाउ यांसह इतर नागरिक उपस्थित होते.
