भटक्या कुत्र्यांचा सुळसुळाट थांबणार तर कधी ?.
प्रतिनिधी :- दरिकांत कोळेकर. सारथी महाराष्ट्राचा न्युज.
कुरुंदवाड :- येथील परिसरात पिसाळलेल्या कुत्र्याने सहा वर्षे उमेर मुजमील बागवान या बालकांचा गालाचा लचका तोडल्या बाबतची घटना घडली होती,त्यासाठी उपाय योजना करण्यासाठी कुरुंदवाड नगरीच्या लोकनियुक्त महिला नगराध्यक्षा मनीषा डांगे यांनी लवकरच तोडगा काढण्यात येईल असे जाहीर केले होते . परंतु अजून ही भटकी कुत्री राजरोष पणे शहरात फिरत असून हजारो कुत्री शहरात असून याकामी लवकरच ठेका देण्यात येणार असल्याचे सांगून. आदींचा ठेकेदार परगावी गेला असल्याने विलंब होत असलेबाबतचे सांगितले जात आहे. शहरात असंख्य कुत्र्यांची पैदास होत असून त्यावर आळा घालणे आवश्यक आहे,ही बाब अतिशय घातक असून वेळीच यावर तोडगा काढला पाहिजे,
यावर उपाय म्हणून प्रशासन ऍक्शन मोड वर आली आहे.त्यासाठी आज सोमवार 09/03/2026 रोजी कुरुंदवाड नगरपरिषदेच्या छ. शिवाजी महाराज सांस्कृतिक हॉल मध्ये कुरुंदवाड मधील सर्व हॉटेल,मटण, चिकन 65, बिर्याणीचे व चायनीज गाडयावर विक्री करणारे व्यावसायिक यांची मिटिंग बोलविण्यात आली होती. या मीटिंगला नगरपालिकेचे मुख्याधिकारी मनोजकुमार देसाई याच्या अध्यक्षतेखाली, उपनगराध्यक्ष, दिपक गायकवाड, नगरसेवक जवाहर पाटील, उदय डांगे, वैभव उगळे,व इतर नगरसेवक यांच्या उपस्थिती मध्ये पार पडली. त्यावर मुख्याधिकारी यांनी प्रशासन नागरिकांची सुरक्षा देणे बाबत कोण कोणत्या काळजी घेता येईल यावर मार्गदर्शन केले.
यावेळी या मांसाहारी पदार्थ व्यापाऱ्यांना / व्यवसायिकांना कडक शब्दात बजावून सांगितले की, प्रत्येकानी 2 डस्टबिन ठेवलेच पाहिजे, त्यामध्ये ओला कचरा व सुका कचरा असे 2 डस्टबिन वेगवेगळे करून ठेवले पाहिजे. शिल्लक राहिलेले मांसाहारी अन्न रस्त्यावर किंवा उघड्यावर टाकता कामा नये. घंटा गाडी येईल त्यामध्येच हे टाकले पाहिजे. अन्यत्र कोठे ही टाकू नये.जर कोणी या प्रक्रियेमध्ये हयगय केली तर प्रशासन आपल्यावर कायदेशीर योग्य कारवाही केली जाईल, आपल्या हॉटेल. गाड्या जवळ स्वच्छता राखली पाहिजे.असे आवाहन ही केले आहे.
यावेळी बरेच कुरुंदवाड मधील व्यापारी, हॉटेल,चिकन 65, मटण, बिर्याणी विक्रेते,व चायनीज पदार्थ विक्रेते उपस्थितीत होते.शेवटी कुरुंदवाड नगरपरिषद ऍक्शन मूड वर आली असून मात्र भटक्या कुत्र्यांचा बंदोबस्त होतो का?ते पहावे लागेल.
