मुंबई : गुढीपाडव्याच्या शुभ मुहूर्तावर, दिनांक १९ मार्च २०२६ रोजी लालबाग येथे भव्य शुभशंभू व शिवभारत संचलन आयोजित करण्यात येणार आहे. हा कार्यक्रम गिरणगाव सांस्कृतिक प्रतिष्ठान यांच्या वतीने आयोजित करण्यात येत आहे.
या कार्यक्रमाचे मुख्य आकर्षण म्हणजे छत्रपती शिवाजी महाराज यांची ३६४ समुद्री कवड्यांची ऐतिहासिक माळ लालबाग येथे आणण्यात येणार असून नागरिकांना तिचे दर्शन घेण्याची संधी मिळणार आहे.
तसेच शिवकालीन पराक्रमी सरदार घराण्यांपैकी मालुसरे, कंक, बांदल, नाईक आदी घराण्यांचे प्रतिनिधी देखील या कार्यक्रमाला उपस्थित राहणार आहेत. त्यांच्या पराक्रमाची माहिती आणि शिवकालीन इतिहासाची ओळख या संचलनातून नागरिकांना करून देण्यात येणार आहे.
लालबाग व परळ परिसरातील शिवप्रेमी आणि नागरिकांनी मोठ्या संख्येने उपस्थित राहून या ऐतिहासिक सोहळ्याचा लाभ घ्यावा, असे आवाहन आयोजकांकडून करण्यात आले आहे.
