नव्या नियुक्त्यांमुळे डिजिटल पत्रकारितेला गती; संघटनात्मक बळकटीचा निर्धार
राजुरा (प्रतिनिधी):-
महाराष्ट्र राज्य पत्रकार संघ, मुंबई (शाखा चंद्रपूर, राजुरा तालुका) यांच्या डिजिटल मीडिया विभागात महत्त्वपूर्ण नियुक्त्या जाहीर करण्यात आल्या आहेत. यानुसार संतोष मेश्राम यांची डिजिटल मीडिया तालुका अध्यक्षपदी तर राकेश कलेगुरवार यांची सचिवपदी नियुक्ती करण्यात आली.
ही नियुक्ती डिजिटल मीडिया जिल्हाध्यक्ष ॲड. राहुल थोरात यांच्या हस्ते जाहीर करण्यात आली. तसेच जिल्हाध्यक्ष शंकर बोरघरे, डिजिटल मीडिया जिल्हा संघटक शाम चटपल्लीवार यांच्या संयुक्त नेतृत्वात बैठक पार पडली.
या उपक्रमामागे राज्य संघटक तथा संस्थापक संजय भोकरे, राज्य सरचिटणीस डॉ. विश्वासराव आरोटे, राज्य प्रसिद्ध प्रमुख नवनाथ जाधव, डिजिटल मीडिया प्रदेश अध्यक्ष सिद्धार्थ भोकरे , राज्य कार्याध्यक्ष निलेश सोमानी व राज्य उपाध्यक्ष प्रा. महेश पानसे यांच्या नेतृत्व व मार्गदर्शनाखाली ही प्रक्रिया राबविण्यात आल्याचे स्पष्ट करण्यात आले.
दरम्यान पत्रकारिता व सामाजिक क्षेत्रात सक्रिय असलेल्या मेश्राम व कलेगुरवार यांच्या कार्याची दखल घेत त्यांच्यावर ही जबाबदारी सोपविण्यात आली आहे. नियुक्तीनंतर दोन्ही पदाधिकाऱ्यांनी डिजिटल माध्यमांचा प्रभावी वापर करून पत्रकारांच्या समस्या मांडण्याचा व संघटनेचे कार्य अधिक गतिमान करण्याचा निर्धार व्यक्त केला.
या प्रसंगी राजुरा तालुका अध्यक्ष प्रा. अनंत डोंगे, कार्याध्यक्ष ओंकार आस्वले, उपाध्यक्ष सतीश शिंदे, सहसचिव लोकेश पारखी, प्रसिद्धी प्रमुख अनिल गांपावार, कैलास कार्लेकर, सागर मुत्यालवार यांच्यासह अनेक पदाधिकारी व सदस्य उपस्थित होते.
डिजिटल युगात नवी दिशा..!
या नियुक्त्यांमुळे राजुरा तालुक्यात डिजिटल पत्रकारितेला नवे बळ मिळणार असून पत्रकारांच्या हक्कांसाठी संघटना अधिक प्रभावीपणे काम करेल, असा विश्वास व्यक्त करण्यात आला.
