जालना जिल्हा प्रतिनिधी : विशाल भोसले
दि. १४ मार्च २०२६ रोजी जि.प. प्राथमिक शाळा खणेपुरी येथे विद्यार्थ्यांसाठी शैक्षणिक प्रदर्शनाचे आयोजन करण्यात आले. मौजे खणेपुरी येथील सामाजिक कार्यकर्ते श्री. रामा अश्रुबा गाढे (अण्णा) यांनी त्यांच्या संग्रहातील विविध शैक्षणिक, भौगोलिक व भाषिक माहिती देणाऱ्या वस्तूंचे प्रदर्शन मांडले.
प्रदर्शनात विविध प्रकारचे दगड, मातीचे नमुने तसेच १८ प्रकारचे बियाणे यांची आकर्षक मांडणी करण्यात आली होती.
विद्यार्थ्यांनी उत्साहाने प्रदर्शन पाहून त्यातून माहिती घेतली.यावेळी शालेय व्यवस्थापन समितीच्या अध्यक्षा श्रीमती वर्षा अशोक बहुले, मुख्याध्यापक श्री लक्ष्मण जोशी तसेच शाळेचा सर्व शिक्षकवर्ग व गावातील नागरिक भगवान शिंदे , पांडुरंग भोसले,अशोक टापरे, किरण पवार , उपस्थित होते.
कार्यक्रमाच्या शेवटी अण्णांचा छोटेखानी भेटवस्तू देऊन सन्मान करण्यात आला. हे प्रदर्शन विद्यार्थ्यांसाठी ज्ञानवर्धक ठरले.
