दौंड तालुका प्रतिनिधी -कानिफनाथ मांडगे
दौंड -पुणे जिल्हा परिषदेच्या अत्यंत प्रतिष्ठेच्या समजल्या जाणाऱ्या अध्यक्ष व उपाध्यक्ष पदी अखेर निवड जाहीर.पुणे जिल्हा परिषद अध्यक्षपदी दौंडचे वीरधवल बाबा जगदाळे तर उपाध्यक्ष पदी आंबेगावचे विवेक वळसे पाटील यांच्या नावावर आज शिक्कामोर्तब करण्यात आला.
ही दोन नावे जाहीर होतात कार्यकर्त्यांमध्ये उत्साहाचे वातावरण पाहायला मिळाले व त्यांनी गुलाल गोंधळून आपला जल्लोष साजरा केला.
वीरधवळ बाबा जगदाळे यांचा अनुभव व त्यांची जनसंपर्काची दखल घेत पक्षाच्या वतीने त्यांच्याकडे अध्यक्षपदाची धुरा देण्यात आली , ग्रामीण भागातील जनतेच्या प्रश्नांची जाण असल्याला चेहरा म्हणून त्यांची ख्याती आहे आणि म्हणूनच त्यांची निवड झाल्याचे बोलले जात आहे.
तर दुसरीकडे आंबेगाव तालुक्याचे प्रतिनिधित्व करणारे विवेक वळसे पाटील यांची उपाध्यक्षपदी वर्णी लागली आहे, त्यांच्या प्रशासकीय कामांचा अनुभव पाहता त्यांची निवड सार्थ असल्याचे बोलले जात आहे, त्यांच्या निवडीने आंबेगावला जिल्ह्याच्या सत्तेत महत्व प्राप्त झाल्यांचे लोकांमध्ये समाधानाचे वातावरण पाहायला मिळाले.
