प्रतिनिधी /सारथी महाराष्ट्राचा न्युज .
पातुर तालुक्यातील मळसुर फाटा ,गावंडगाव फाटा, ते आलेगाव रस्त्याच्या दुरावस्थेबाबत सामाजिक कार्यकर्ते निलेश कापकर यांनी दि. १७/२/२०२६ रोजी सार्वजनीक बांधकाम विभागाकडे केलेल्या तक्रारीची विभागाने दखल घेत रस्त्याच्या दुरुस्तीचे काम सुरु केले आहे.
आलेगाव ,मळसुर फाटा ते गावंडगाव फाटा रस्त्याची अवस्था अतिशय बिकट झाली असून त्यावरून प्रवास करणे जिकीरीचे झाले आहे,रस्त्यांवर ठिकठिकाणी खड्डे पडले असुन ते अपघातास आमंत्रण देत आहेत.शेतकरी,व्यापारी ,विद्यार्थ्यांसह ईतर प्रवासी आणि रुग्ण यांना हे खड्डे पडलेले रस्ते त्रासदायक ठरत असल्याबाबत ची तक्रार निलेश भाउ कापकर यांनी सार्वजनिक बांधकाम विभागाकडे केली होती .
त्यामध्ये खड्डे पडलेले रस्त्यांची दुरुस्ती किंवा नविन बांधुन देण्याची मागणी केली होती.त्या अनुषंगाने सार्वजनिक बांधकाम विभागाकडून रस्त्याच्या दुरुस्तीचे काम सुरु करण्यात आले.मात्र रस्त्याच्या दुरुस्तीच्या दर्जाबाबत आपण समाधानी नसल्याचे निलेश कापकर यांनी सांगितले.
“मळसुर फाटा ते गावंडगाव, आलेगाव रस्त्यांवर चे खड्डे बुजविण्याचे काम सुरु आहे ते पुर्णतः बोगस झालेले आहे त्या झालेल्या कामावर मी समाधानी नसून दर्जेदार काम करण्यात यावे .सार्वजनिक बांधकाम विभाग केवळ कागदोपत्री थातूरमातूर काम करत आहेत. ” असे त्यांनी यासंबंधी आपले प्रतिक्रियात्मक मत व्यक्त केले.
